زەينەتاقى قورىنىڭ ينۆەستيتسيالىق تابىسى 81,4 پايىزعا ارتتى

استانا. قازاقپارات - 2024 -جىلدىڭ قاڭتار- شىلدە ايلارىندا «ءبىرىڭعاي جيناقتاۋشى زەينەتاقى قورى» ا ق- تىڭ تازا ينۆەستيتسيالىق كىرىسى 1,38 تريلليون تەڭگەگە جەتىپ، 81,4 پايىزعا ارتتى. بۇل تۋرالى قوردىڭ باسپا ءسوز قىزمەتىنەن ءمالىم ەتتى.

«2024 -جىلدىڭ 7 ايىندا قازاقستاندىقتاردىڭ تازا ينۆەستيتسيالىق كىرىسى 1,38 تريلليون تەڭگەدەن استى. بۇل وتكەن جىلدىڭ سايكەس كەزەڭىندەگى كورسەتكىشتەن 619,3 ميلليارد تەڭگەگە نەمەسە 81,4 پايىزعا ارتىق»، - دەلىنگەن ب ج ز ق اقپاراتىندا.

قور مالىمەتىنشە، 2024 -جىلدىڭ 7 ايىندا ب ج ز ق- داعى مىندەتتى زەينەتاقى جارنالارى، مىندەتتى كاسىپتىك زەينەتاقى جارنالارى، ەرىكتى زەينەتاقى جارنالارى ەسەبىنەن قالىپتاسقان زەينەتاقى اكتيۆتەرىنىڭ كىرىستىلىگى وسى كەزەڭدەگى ينفلياتسيا 4,7 پايىز بولعان كەزدە 7,51 پايىزدى كورسەتتى. زەينەتاقى اكتيۆتەرىنىڭ جىلدىق كىرىستىلىگىن قاراستىراتىن بولساق، وندا ول 2024 -جىلعى 1- تامىزداعى جاعداي بويىنشا 12,72 پايىزدى، ال ينفلياتسيا 8,6 پايىزدى قۇرادى.

2024 -جىلعى 1 -تامىزداعى جاعداي بويىنشا ب ج ز ق- نىڭ جۇمىس بەرۋشىنىڭ مىندەتتى زەينەتاقى جارنالارى ەسەبىنەن قالىپتاستىرىلعان زەينەتاقى اكتيۆتەرىنىڭ كىرىستىلىگى 2,53 پايىز بولدى.

وسىعان دەيىن قازاقستاندىقتاردىڭ زەينەتاقى جيناقتارى 20 تريلليون تەڭگەگە جەتكەنىن جازدىق.

اۆتور

مارلان جيەمباي