استانا. KAZINFORM - قازاقستاندىق بالۋان زەينەپ بايانوۆا ايچي مەن ناگويادا (جاپونيا) ءوتىپ جاتقان 2026-جىلعى ازيا ويىندارىندا ايەلدەر كۇرەسىنەن 50 كەلىگە دەيىنگى سالماق دارەجەسىندە جارتىلاي فينالعا شىقتى، دەپ حابارلايدى ۇ و ك باسپاءسوز قىزمەتى.
شيرەك فينالدا وتانداسىمىز وڭتۇستىك كورەيا وكىلى ميران چحونمەن بەلدەسىپ، 7:3 ەسەبىمەن جەڭىسكە جەتتى. وسىلايشا، ول فينالعا شىعۋ مۇمكىندىگىن ساقتاپ قالدى.
ايتا كەتەيىك، بۇعان دەيىن قازاقستان اتىنان 76 كەلىگە دەيىنگى سالماقتا سىنعا تۇسەتىن ەلميرا سىزدىقوۆا مەن 125 كەلىگە دەيىنگى سالماقتا بەلدەسەتىن ەدىگە قاسىمبەك تە ازيا ويىندارىنىڭ جارتىلاي فينالىنا جولداما العان بولاتىن.
بۇعان دەيىن ۆيرتۋالدى تاەكۆوندودان ريتا باكيشيەۆا ازيادانىڭ قولا جۇلدەگەرى اتانعانىن جازعانبىز.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.