استانا. KAZINFORM - استانا قالاسى الماتى اۋدانى پروكۋراتۋراسىنىڭ مەملەكەتتىك ايىپتاۋدى قولداۋ ءبولىمىنىڭ باستىعى اسىلبەك اليار قالالىق پروكۋراتۋرا وتباسىنداعى زورلىق-زومبىلىقپەن قالاي كۇرەسىپ جاتقانى تۋرالى مالىمەت بەردى.
- 2025 -جىلدىڭ باسىنان بەرى وتباسى-تۇرمىستىق سالادا 85 زاڭ بۇزۋ فاكتىسى تىركەلدى. ونىڭ ىشىندە 21 قىلمىستىق ءىس سوتقا جولداندى. 64 ءىس تاراپتاردىڭ تاتۋلاسۋىنا بايلانىستى توقتاتىلدى. ستاتيستيكاعا جاسالعان تالداۋ جاعىمدى ديناميكا بار ەكەنىن كورسەتەدى. وتباسى-تۇرمىستىق قارىم-قاتىناستا جاسالعان قىلمىس سانى بىلتىرعىدان ازايدى. بۇل كورسەتكىشتەر زاڭداعى جاڭاشىلدىقتاردىڭ جۇمىس ىستەي باستاعانىن كورسەتەدى، - دەدى ول.
پروكۋراتۋرا وكىلى سوزىنە مىسال دا كەلتىردى.
- مىسالى، بۇرىنعى زايىبىنا جەتى جىل بويى فيزيكالىق، پسيحيكالىق زارداپ تيگىزىپ، ازاپتاپ كەلگەنى ءۇشىن بۇرىنعى كۇيەۋى ءبىر جىلعا باس بوستاندىعىنان ايىرىلدى، - دەدى اسىلبەك اليار.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан