استانا. KAZINFORM - ۋكراينا پرەزيدەنتى ۆلاديمير زەلەنسكي NBC News ارناسىنىڭ «باسپاسوزبەن كەزدەسۋ» باعدارلاماسىنىڭ جۇرگىزۋشىسى كريستەن ۋەلكەرگە بەرگەن ەكسكليۋزيۆتى سۇحباتىندا رەسەي پرەزيدەنتىمەن كەزدەسۋگە دايىن ەكەنىن راستادى، دەپ حابارلايدى NBC News .
- ەگەر ءبىز شىنىمەن ءادىل جانە تۇراقتى بەيبىتشىلىكتى قالاساق، بىزگە بۇل قايعىلى جاعدايدىڭ ەكى جاعى دا قاجەت. ءبىزدىڭ قاتىسۋىمىزسىز قانداي دا ءبىر مامىلەلەر قالاي جاسالۋى مۇمكىن؟ - دەدى ۆلاديمير زەلەنسكي سۇحباتىندا.
بۇعان دەيىن ترامپ پەن پۋتين ۋكراينا بويىنشا كەلىسسوزدىڭ ەكىنشى راۋندىن وتكىزۋ ءۇشىن ماجارستاندا كەزدەسەتىنىن جازعان ەدىك.
اق ءۇي باسشىسىنىڭ ايتۋىنشا، قۇراما شتاتتار وكىلدەرىمەن العاشقى كەزدەسۋلەردى مەملەكەتتىك حاتشى ماركو رۋبيو جانە ەسىمدەرى كەيىن جاريالاناتىن ءبىرقاتار تۇلعا قاتىسادى.
ەسكە سالا كەتسەك، تامىز ايىندا انكوريدجدەگى (الياسكا شتاتى) «ەلمەندورف- ريچاردسون» اسكەري بازاسىندا ءۇش ساعاتقا جۋىق ۋاقىت كەلىسسوز جۇرگىزگەن ترامپ پەن پۋتين كەلىسىمگە كەلە الماعان ەدى.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан