ۇزدىك ۇشتىك. ماقپال ءجۇنىسوۆا، مۇحتار شاحانوۆ، عازيزحان شەكەربەك «جەتىنشى تۇيسىك» ءانىن جارىققا شىعاردى
استانا. قازاقپارات - جاقىندا تانىمال قازاقستاندىق ءانشى ماقپال ءجۇنىسوۆا جاڭا ءانىن جارىققا شىعاردى.
ءجۇنىسوۆانىڭ ورىنداۋىنداعى جاڭا ءان «جەتىنشى تۇيسىك» دەپ اتالادى. ءاننىڭ ءسوزىن جازعان تانىمال اقىن مۇحتار شاحانوۆ بولسا، ءانىن جازعان - مولباي قازىبايەۆ.
ماقپال ءجۇنىسوۆا ءاندى ارنايى بارىپ عازيزحان شەكەربەكتىڭ ستۋدياسىندا جازدىرعان. بۇگىن عانا جارىققا شىققان ءان تىڭدارمان تاراپىنان جىلى قابىلدانىپ ۇلگەردى.
تىڭدارماندار ماقپال ءجۇنىسوۆا، مۇحتار شاحانوۆ، عازيزحان شەكەربەكتىڭ تۋىندىسىنا قاراپ ونەر يەلەرىن «ۇزدىك ۇشتىك» دەپ باعالاعان.
«تۋراشىل جانە شىنشىل اقىنىمىز مۇحتار شاحانوۆتىڭ شىعارماشىلىعىنداعى ولەڭدەر جۇرەكتەن-جۇرەككە جەتەدى. ورىنداۋشىسى، ياعني ماقپال اپكەنىڭ داۋسى انگە شىراي بەرىپ تۇر»، «ۇزاق ءومىر ءسۇرىڭىز، قانداي كەرەمەت ماعىنالى ءان، تاماشا ورىنداۋ ماقپال حانىم ەلدىڭ العىسىنا بولەنىپ، امان ەسەن جۇرە بەرىڭىز» دەپ پىكىر قالدىرىپ جاتىر جەلى قولدانۋشىلارى.