ۇزدىك پەداگوگ اتاعىنىڭ يەگەرى 4 ميلليون تەڭگەگە جۋىق سىياقى الادى

استانا. KAZINFORM - ەلىمىزدە ۇستازداردى قولداۋ ماقساتىندا «ۇزدىك پەداگوگ» باي̆قاۋى باستالدى. جەڭىمپازدارعا 1000 ا ە ك (3,9 ميلليون تەڭگە) كولەمىندە مەملەكەتتىك سىياقى قاراستىرىلعان.

بايقاۋ اياسىندا مۇعالىمنىڭ ءبىلىم سالاسىن دامىتۋعا قوسقان ۇلەسى، ۇستاز قىزمەتىنىڭ تيىمدىلىگى مەن ونىڭ كاسىبي شەبەرلىگى ەسكەرىلەدى.

جارىسقا مەكتەپكە دەي̆ىنگى، ورتا، تەحنيكالىق جانە كاسىپتىك ءبىلىم بەرۋ ۇيىمدارىنىڭ پەداگوگتەرى قاتىسا الادى.

كونكۋرس ءۇش كەزەڭنەن تۇرادى:

1-كەزەڭ - اۋداندىق، قالالىق دەڭگەي (8-25-شىلدە)؛

2-كەزەڭ - وبلىستىق دەڭگەي (28-شىلدە- 15-تامىز)؛

3-كەزەڭ - رەسپۋبليكالىق دەڭگەي (18-تامىز - 18-قىركۇيەك).

ەكى كەزەڭنىڭ قورىتىندىسى بوي̆ىنشا ەڭ جوعارى ۇپاي̆ جيناعان پەداگوگتەر رەسپۋبليكالىق دەڭگەي̆گە وتەدى. باي̆قاۋعا قاتىسۋعا وتىنىمدەردى قابىلداۋ، تىركەۋ، كونكۋرس قۇجاتتارىن تاپسىرۋ، باعالاۋ uzdikustaz-nobd.edu.kz ۆەب-پورتالىندا جۇزەگە اسىرىلادى.

- «ۇزدىك پەداگوگ» رەسپۋبليكالىق كونكۋرسى 2012 -جىلدان بەرى وتكىزىلىپ كەلە جاتقان ءداستۇرلى بايقاۋ. وسى ۋاقىتقا دەيىن 700 گە جۋىق جۇزدەن جۇيرىك، مىڭنان تۇلپار اتانعان مىقتىلار انىقتالدى. «ۇزدىك پەداگوگ» اتاعىنا ءبىلىم بەرۋ ۇيىمدارىندا جۇمىس ىستەيتىن جانە قۇجاتتاردى تاپسىرۋ كەزىندە كەمىندە بەس جىل ۇزدىكسىز پەداگوگيكالىق ءوتىلى بار پەداگوگتەر ۇمىتكەر بولا الادى. ولار - بالاباقشا، مەكتەپ، كوللەدج مۇعالىمدەرى، - دەلىنگەن مينيسترلىك حابارلاماسىندا.

بايقاۋعا قاتىسۋ تۋرالى قوسىمشا اقپاراتپەن وقۋ-اعارتۋ مينيسترلىگىنىڭ سايتىنان تانىسۋعا بولادى.

ايتا كەتەلىك «اۋىل مەكتەبى - ساپا الاڭى» رەسپۋبليكالىق جوباسىنا 1,5 مىڭ مەكتەپ قوسىلاتىنى تۋرالى جازعان ەدىك.