زاڭگەر ايمان اسانوۆانى ولتىرگەن ادام 10 ميلليون تولەۋگە مىندەتتەلدى
استانا. قازاقپارات - ەر ادام اپكەسىنىڭ ولىمىنە كىنالى ادامنان 50 ميلليون تەڭگە مورالدىق زيان وتەماقىسىن ءوندىرىپ الۋ تۋرالى تالاپ قويىپ، الماتى قالاسىنىڭ 2-المالى اۋداندىق سوتىنا جۇگىندى، - دەپ حابارلايدى Massaget.kz ءتىلشىسى.
جاۋاپكەر بۇرىنعى زايىبىمەن جانجالداسۋ كەزىندە وعان 18 رەت پىشاق سالعان. وسىنداي كوپتەگەن جاراقاتتان ايەل اۋرۋحانادا قايتىس بولدى.
قايتىس بولعان ايەلدىڭ اعاسى قويعان تالابىندا قارىنداسىنىڭ ءولىمى وعان جانە بارلىق جاقىندارىنا اۋىر قايعى-قاسىرەت اكەلگەنىن اتاپ كورسەتتى. ونىڭ اجەسى مەن اكەسى ۋايىم-قايعىنىڭ سالدارىنان قايتىس بولدى. ول وتباسىنا كەلتىرىلگەن مورالدىق زياندى 50 ميلليون تەڭگەگە باعالادى.
جاۋاپكەردىڭ وكىلى قويىلعان تالاپتى مويىنداماي، ايەلدىڭ ولىمىنە كىنالى ادامعا قىلمىسى ءۇشىن جازا قولدانىلعانىن - ونىڭ 11 جىلعا باس بوستاندىعىنان ايىرىلعانىن جانە قويىلعان تالاپتا كورسەتىلگەن سومانىڭ قولىندا جوق ەكەنىن اتاپ كورسەتتى.
سوت قويىلعان تالاپتى ءىشىنارا قاناعاتتاندىردى. پاراساتتىلىق پەن ادىلدىك تالاپتارىن باسشىلىققا الا وتىرىپ، تالاپ قويۋشىنىڭ پايداسىنا مورالدىق زياندى وتەۋ رەتىندە 10 ميلليون تەڭگە ءوندىرىلدى.
شەشىم زاڭدى كۇشىنە ەنگەن جوق.