ونىڭ ايتۋىنشا، مينيسترلىك الەۋمەتتىك جەلىلەر مەن ونلاين- پلاتفورمالاردى قوسا العاندا، اقپاراتتىق كەڭىستىككە تۇراقتى مونيتورينگ جۇرگىزەدى. زاڭناما تالاپتارىنىڭ بۇزىلعانى انىقتالعان جاعدايدا، ۆەدومستۆو قۇقىقتىق دەن قويۋ شارالارىن قابىلدايدى.
اتاپ ايتقاندا، قۇقىققا قايشى ماتەريالداردى جويۋ ءۇشىن ونلاين- پلاتفورمالاردىڭ يەلەرىنە حابارلامالار، ال بۇقارالىق اقپارات قۇرالدارىنىڭ يەلەرىنە ەسكەرتۋ حاتتار جولدايدى. ەگەر بۇل تالاپتار ورىندالماسا، ماتەريالدار مەن ينتەرنەت- رەسۋرستارعا قولجەتىمدىلىك سوت تارتىبىمەن نەمەسە زاڭدا بەلگىلەنگەن تارتىپپەن شەكتەلۋى مۇمكىن.
وسىعان بايلانىستى تىكەلەي ەفيرلەر اۆتورلارىن سايكەستەندىرۋ جانە ولار تۋرالى قاجەتتى مالىمەتتەردى الۋ ءتيىستى قۇقىق قورعاۋ ورگاندارىنىڭ سۇراۋ سالۋى نەگىزىندە زاڭنامادا بەلگىلەنگەن تارتىپپەن جۇزەگە اسىرىلادى.
وسىلايشا، منيسترلىك الداعى ۋاقىتتا دا ونلاين- پلاتفورمالاردىڭ اكىمشىلىكتەرىمەن بىرلەسىپ قۇقىققا قايشى ماتەريالداردى جويۋ جانە قازاقستان رەسپۋبليكاسىنىڭ زاڭناماسىنا قارسى كەلەتىن، سونداي- اق ادامداردىڭ قۇقىقتارى مەن زاڭدى مۇددەلەرىن بۇزاتىن اقپاراتتىڭ تارالۋىنا جول بەرمەۋ بويىنشا جۇمىستى جالعاستىرادى.
ايتا كەتەيىك، بيىل 10 ايدا ينتەرنەت كەڭىستىگىندە بالاعات سوزدەر مەن بالالارعا زياندى اقپاراتتاردىڭ 592 فاكتىسى انىقتالدى.