ۇزابايەۆ رۇقسات بەردى: الماتى پوليتسياسى قىزمەتتىك تەكسەرۋدى باستادى
14:39, 27 - مامىر 2024
الماتى. KAZINFORM - الەۋمەتتىك جەلىلەردە جۇرگىزۋشى كۋالىگىنسىز كولىك ايلاپ كەلە جاتقان كامەلەتكە تولماعان بالانىڭ ۆيدەوسى تارادى.
الەۋمەتتىك جەلىدە جاريالانعان بەينەجازبادا جاس ءوسىپىرىم اپكەسىنىڭ كولىگىنە وتىرعانىن جەتكىزدى. كەيىن ول كولىك ايداۋعا الماتى پوليتسيا دەپارتامەنتى باستىعىنىڭ ورىنباسارى ەرجان ۇزابايەۆ رۇقسات بەرگەنىن ايتتى.
قالالىق پوليتسيا دەپارتامەنتى بۇل فاكتى بويىنشا قىزمەتتىك تەكسەرىس جۇرگىزىلىپ جاتقانىن مالىمدەدى.
«جۇرگىزۋشى اكىمشىلىك جاۋاپكەرشىلىككە تارتىلدى. كولىك مامانداندىرىلعان ايىپتۇراعىنا قويىلدى»، - دەپ ءتۇسىندىردى الماتى قالالىق جول پوليتسياسى باسقارماسىنىڭ باسپا ءسوز قىزمەتى.
اۆتور
الما مۇقانوۆا