«توپىراقتى قورعاۋ تۋرالى» زاڭ جوباسى مەن وعان ىلەسپە قۇجاتتى ءبىرىنشى وقىلىمدا تالقىلاۋ بارىسىندا دەپۋتات قايرات بالابيەۆ بايانداماشىدان: «بۇگىندە توپىراق دەگراداتسياسىنىڭ اۋقىمى ورنى تولماس سيپاتقا يە بولىپ وتىر. دەگەنمەن، زاڭ جوباسى ۇسىنىپ وتىرعان قۇرالدار شارۋالارعا قاتىستى توپىراقتى قورعاۋ جانە ۇتىمدى پايدالانۋ تالاپتارىن ايتارلىقتاي قاتاڭداتادى. بۇل جاڭاشىلدىقتار جەر پايدالانۋشىلار جاڭا تالاپتاردى ورىنداي الماي قالعان جاعدايدا ولاردىڭ جەر ۋچاسكەلەرىن قايتا بولۋگە اكەپ سوقتىرماي ما؟ - دەپ سۇراعان ەدى.
ساۋالعا جاۋاپ بەرگەن نۇرجان اشىمبەتوۆتىڭ ايتۋىنشا، الدىمەن مونيتورينگ جۇرگىزىلەدى. ودان كەيىن توپقىراق قۇنارىنىڭ كورسەتكىشتەرى تومەندەيتىن بولسا، وندا الدىمەن فەرمەرلەرگە ەسكەرتۋ جاسالادى.
- جاعدايدى تۇزەتۋگە 1 جىل ۋاقىت بەرىلەدى. ەگەر 1 جىلدىڭ ىشىندە جاعداي تۇزەلمەسە، وندا جەر ينسپەكتسيالارى جەردى قايتارۋ ماسەلەسىن كوتەرەدى. جەر بىردەن ەمەس، سوت ارقىلى الىنادى. بۇل فاكتىلەردى انىقتاۋ ءۇشىن جۇرگىزىلەدى. پروتسەسس رەت- رەتىمەن جاسالادى، - دەدى ول.