استانا. KAZINFORM - ەلىمىزدىڭ زاڭناماسىنا سايكەس، قازاقستاندىق ازاماتتاردىڭ دونورلىق اعزالارى مەن تىندەرى شەتەل ازاماتتارىنا ترانسپلانتاتسيالانبايدى.
بۇل تۋرالى ق ر دەنساۋلىق ساقتاۋ مينيسترلىگى ترانسپلانتاتتاۋ جانە جوعارى تەحنولوگيالىق مەديتسينالىق قىزمەتتەردى ۇيلەستىرۋ جونىندەگى رەسپۋبليكالىق ورتالىعى ديرەكتورىنىڭ ورىنباسارى نازگۇل جىلگەلدينا مالىمدەدى.
ونىڭ ايتۋىنشا، قولدانىستاعى زاڭنامادا قازاقستاندىقتاردىڭ اعزالارى مەن تىندەرىن شەتەل ازاماتتارىنا ترانسپلانتاتسيالاۋعا جول بەرىلمەيدى.
- زاڭناماعا سايكەس، قازاقستان ازاماتى شەتەل ازاماتىنا ءتىرى كەزىندە دە، قايتىس بولعاننان كەيىن دە دونور بولا المايدى، ياعني قازاقستاندىقتاردىڭ دونورلىق اعزالارى مەن تىندەرى شەتەل ازاماتتارىنا ترانسپلانتاتسيالانبايدى، - دەدى نازگۇل جىلگەلدينا.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан