يزرايلدەگى سوعىس: شەرۋشىلەرگە تىكەلەي وق اتۋعا رۇقسات بەرىلە مە

 يزرايل پوليتسياسى مەن ۇلتتىق قاۋىپسىزدىك مينيسترلىگى توتەنشە جاعداي كەزىندە جولداردى جاۋىپ تاستاعان شەرۋشىلەرگە قارۋلى كۇش قولدانۋعا رۇقسات بەرگىسى كەلەدى. Kazinform بۇل تۋرالى strana.co-عا سىلتەمە جاساپ حابارلايدى. 

يزرايلدىڭ 11-تەلەارناسى تاراتقان دەرەككە سۇيەنسەك، پوليتسيا مەن مينيسترلىكتىڭ ءوتىنىشى «ورا كوميسسياسىنىڭ» «اتىس پاترونىمەن اتۋ - كوپشىلىكتى تاراتۋدىڭ قۇرالى ەمەس» دەپ ۇيعارۋىنان كەيىن 20 جىل وتكەن سوڭ ۇسىنىس رەتىندە جولدانعان. كوميسسيا 2000 -جىلدىڭ قازان ايىنداعى تارتىپسىزدىكتەر كەزىندە قۇقىق قورعاۋشىلار يزرايلدەگى 13 اراب ازاماتىن اتىپ ولتىرگەن وقيعانى تەرگەدى. ەندى ولار بۇل تۇجىرىمداردى قايتا قاراعىسى كەلەدى.

كەيىنگى كەزدە پوليتسيا مەن ۇلتتىق قاۋىپسىزدىك مينيسترلىگى اراسىندا «قابىرعا كۇزەتى» وپەراتسياسىنان ساباق الۋ كەرەكتىگى تۋرالى ءجيى پىكىرتالاس بولدى. اتاپ ايتقاندا، قاۋىپسىزدىك كۇشتەرى يزرايلدىڭ وڭتۇستىگىندە نەمەسە سولتۇستىگىندە اسكەري وپەراتسيا باستالىپ وتىرعانىن جاقسى بىلەدى. ال يزرايلدىك ارابتار تساحال كۇشتەرىنىڭ قوزعالىسى ءۇشىن جولداردى جاۋىپ تاستايتىنىنان قورقادى.

11-تەلەارنا جۋرناليستەرىنىڭ حابارلاۋىنشا، بۇل ماسەلەمەن ۇلتتىق ۇلاننىڭ كوميسسياسى دا اينالىسقان. ولار توتەنشە جاعداي كەزىندە اسكەريلەردىڭ قوزعالىسى ءۇشىن تەك جولداردى جاباتىندارعا عانا ەمەس، كەز كەلگەن بۇلىكشىلەرگە وق اتۋ نۇسقاۋلىعىن جەڭىلدەتۋدى ۇسىندى.

بۇگىندە شەرۋلەردى تاراتۋ ءۇشىن ولىمگە اكەلمەيتىن شارالار عانا قولدانىلادى. پوليتسەيلەرگە اتىس تۋرالى جالپى نۇسقاۋلاردىڭ بولىگى رەتىندە ومىرگە ءقاۋىپ تونگەن جاعدايدا عانا وق- ءدارى اتۋعا رۇقسات ەتىلەدى.

پوليتسيا مەن ۇلتتىق قاۋىپسىزدىك مينيسترلىگى س ا ح ا ل كولوننالارىنىڭ ءوتۋى ءۇشىن جولداردى جابۋدى «سوعىس كەزىندە جاۋعا كومەكتەسۋ» دەپ ءتۇسىندىرىپ، بۇل جاعدايدا ءتىپتى ومىرگە قاۋىپ تونبەيتىن كەزدە دە شەرۋشىلەرگە قاراي تىكەلەي وق اتۋعا رۇقسات ەتپەك.

مۇنداي شارانى قولدانۋ كريتەرييلەرى ءالى ناقتىلانعان جوق. ماسەلە مىنادا: شەرۋشىلەرگە تىكەلەي وق جاۋدىرۋعا تەك جاريالانعان سوعىس كەزىندە عانا رۇقسات ەتىلە مە؟ قارۋدى تارتىپسىزدىكتى باقىلاۋدىڭ قاي ساتىسىندا قولدانۋ كەرەك؟ بۇعان دەيىن قانداي شارالار قابىلدانىلۋى ءتيىس؟ بۇعان ازىرگە ماردىمدى جاۋاپ جوق.

اۆتور

زارينا تۋعانبايەۆا