يزرايل، يران جانە ليۆاندا قانشا قازاقستان ازاماتى ەسەپتە تۇر

استانا. KAZINFORM - تاياۋ شىعىستاعى شيەلەنىسكە بايلانىستى سىرتقى ىستەر مينيسترلىگىندە، يزرايل، يران جانە ليۆاندا جەدەل جەلىلەر ىسكە قوسىلدى. بۇل تۋرالى ۆەدومستۆونىڭ رەسمي وكىلى ايبەك سمادياروۆ ءمالىم ەتتى.

«بۇگىندە قازاقستاننىڭ كونسۋلدىعى ەسەبىندە يزرايلدە 120 ازامات، يراندا 102 ازامات جانە ليۆاندا 139 ازامات تۇر. ونىڭ ىشىندە ديپلوماتتار مەن ولاردىڭ وتباسى مۇشەلەرى دە بار. كوپتەگەن ازاماتتىڭ كونسۋلدىق ەسەپكە تۇرمايتىنىن ايتا كەتۋ كەرەك. وسى ورايدا بايلانىس ورناتۋ جانە قازاقستان ازاماتتارىنىڭ ءتىزىمىن دايىنداۋ ءبىراز ۋاقىت الادى. وسى مۇمكىندىكتى پايدالانا وتىرىپ قازاقستان ازاماتتارىن اتالعان ەلدەردە كونسۋلدىق ەسەپكە تۇرۋدى شاقىرامىز. قازىرگى ۋاقىتتا يزرايل، يران جانە ليۆاندا تۇراتىن قازاقستان ازاماتتارىنان اسا قاجەتتىلىك بولماسا تۇرىپ جاتقان جەرلەرىنەن شىقپاۋعا، قاۋىپسىزدىك شارالارىن بارىنشا كۇشەيتىپ، ساقتىق پەن قىراعىلىق تانىتۋدى سۇرايمىز»، - دەدى ايبەك سمادياروۆ.

سونداي-اق، رەسمي وكىل تاياۋ شىعىستاعى قازاقستان ازاماتتارى سول ەلدىڭ بيلىگىنىڭ ۇسىنىمدارىن ورىنداۋ كەرەكتىگىن ايتتى.

«ودان بولەك، اتالعان ەلدەردەگى قازاقستاننىڭ ەلشىلىگى وكىلدەرىمەن بايلانىستا بولۋدى سۇرايمىز. سىرتقى ىستەر مينيسترلىگىندە، يزرايل، يران جانە ليۆاندا جەدەل جەلىلەر ىسكە قوسىلدى. تولىق اقپارات س ءى م - ءنىڭ جانە ەلشىلىكتەردىڭ رەسمي رەسۋرستارى مەن الەۋمەتتىك جەلىدە جاريالانادى»، - دەيدى ول.

تاياۋ شىعىستاعى شيەلەنىسكە بايلانىستى ەلىمىزدىڭ يزرايل، يران جانە ليۆانداعى كونسۋلدىعى كۇشەيتىلگەن جۇمىس رەجيمىنە اۋىستىرىلدى. بۇل تۋرالى ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ ءمالىم ەتتى.

«سوڭعى بىرنەشە ايدا تاياۋ شىعىستاعى جاعداي ايتارلىقتاي شيەلەنىستى. وسىعان بايلانىستى يزرايل، يران جانە ليۆانداعى قازاقستاندىق ديپلوماتتار كۇشەيتىلگەن جۇمىس رەجيمدە جۇمىس ىستەپ جاتىر. وسى ەلدەردەگى قازاقستان ازاماتتارىمەن بايلانىس قۇرىلدى، ولارمەن تۇراقتى بايلانىس بار. ەلدەگى جاعدايعا بايلانىستى قاجەتتى ۇسىنىستار بەرىلەدى. قازاقستاننىڭ ەلشىلىكتەرى اسكەري-ساياسي جاعدايدىڭ شيەلەنىسۋىنە بايلانىستى ەلدەن كەتۋ كەرەكتىگىن بىرنەشە رەت جاريالادى»، - دەدى ايبەك سمادياروۆ ۆەدومستۆودا وتكەن بريفينگىدە.

بۇعان دەيىن قازاقستاننىڭ يزرايلدەگى ەلشىلىگى تاياۋ شىعىستاعى جاعدايعا بايلانىستى ۇندەۋ جاساعانىن جازعان بولاتىنبىز.

سونداي- اق يران مەن اۋعانستان شەكاراسىندا 10 شاقىرىمدىق قابىرعا تۇرعىزىلدى.

اۆتور

داۋلەت ىزتىلەۋ