يزرايل يەمەندەگى مۇناي رەزەرۆۋارلارىنا اۋەدەن سوققى جاسادى
استانا. KAZINFORM - ساحال مالىمدەگەندەي، بۇل شابۋىل حۋسيتتەردىڭ سەنبى كۇنى بەن- گۋريون اۋەجايىنا جاساعان سوققىلارىنا جاۋاپ رەتىندە جاسالعان. شابۋىل پرەمەر- مينيستر بينيامين نەتانياحۋ ۇشاعى كەلگەن ۋاقىتتا بولدى، دەپ حابارلايدى Euronews.
يزرايل اسكەرى ونىڭ ونداعان ۇشاعى يزرايلگە جاسالعان شابۋىلعا جاۋاپ رەتىندە يەمەندەگى حۋسيتتەر نىساندارىنا سوققى بەرگەنىن مالىمدەدى. سوققى نىسانى - حودەيدا پورتىنداعى ەلەكتر ستانتسيالارى مەن مۇناي تسيستەرنالارى.
حۋسيتتەر باسقاراتىن «ءال- ماسيرا» تەلەارناسى ءورت سوندىرۋشىلەردىڭ قالاداعى ۇلكەن جالىنمەن كۇرەسىپ جاتقانىن كورسەتىپ، كەمىندە ءتورت ادامنىڭ قازا تاۋىپ، تاعى 33 ادامنىڭ جاراقات العانىن حابارلادى.
حۋسيلەر باقىلايتىن اقپارات قۇرالدارى يزرايلدىك سوققىلاردىڭ راس-يسا پورتىنا جانە حودەيدا پروۆينتسياسىنداعى ەكى ەلەكتر ستانتسياسىنا اسەر ەتكەنىن حابارلادى.
تەل- اۆيۆتە اسكەريلەر الدىندا سويلەگەن يزرايل قورعانىس ءمينيسترى يواۆ گاللانت سوققىلاردىڭ «اسەرلى» بولعانىن ايتتى.
«ءبىز سوعىستى كەڭەيتۋگە، قوسىمشا مايدانداردى ىزدەۋگە مۇددەلى ەمەسپىز، ءبىراق ەگەر حۋسيتتەر سياقتى زىمىرانمەن جانە بۇكىل سوعىس كەزىندە قاناتتى زىمىراندارمەن جانە ۇشقىشسىز ۇشاقتارمەن بىرەۋ يزرايلگە شابۋىل جاساسا، مۇنداي ارەكەتتى جاسايتىن كەز كەلگەن ادامعا جاۋاپ بەرەمىز جانە ءبىز بۇنى قالاي جاساۋ كەرەكتىگىن بىلەمىز»، - دەدى ول.
ءوز كەزەگىندە حۋسيتتەر ساقتىق شارالارىن قولدانىپ جاتقانىن جانە يزرايلدىڭ سوققىلارى ولاردىڭ تەڭىز جولدارى مەن يزرايلگە شابۋىلدارىن توقتاتپايتىنىن مالىمدەدى.