يزرايل وكىلى ب ۇ ۇ-نىڭ اتىستى توقتاتۋ تۋرالى رەزوليۋتسياسى نەگە ورىندالماي جاتقانىن ءتۇسىندىردى

يزرايل سىرتقى ىستەر مينيسترلىگى ەۋرازيا جانە بالقان ماسەلەلەرى جونىندەگى باس ديرەكتورىنىڭ ورىنباسارى سيمونا گالپەرين استاناداعى بيريفينگىدە ب ۇ ۇ-نىڭ اتىستى توقتاتۋ تۋرالى رەزوليۋتسياسى نەگە ورىندالماي جاتقانىن ءتۇسىندىردى، دەپ حابارلايدى Kazinform.

«يزاريل نەگە ب ۇ ۇ-نىڭ اتىستى توقتاۋ تۋرالى رەزوليۋتسياسىنا باعىنباي وتىر؟ ونى ءتىپتى ماسقارا رەزوليۋتسيا دەپ مالىمدەگەندەر بولدى عوي»، - دەپ سۇرادى جۋرناليست.

«مەن وتە ايقىن، ناقتى ءارى تۋرا ايتقىم كەلەدى. اتىس حاماس-تىڭ كوزى تولىقتاي جويىلعانشا توقتامايدى. بۇل وتە قاراپايىم. ءوزىڭدى جويعىسى كەلەتىندەگە قارسى وق اتۋدى توقتاتۋ مۇمكىن ەمەس. ولار ول جەردە بولماۋى كەرەك. حاماس كوشباسشىلارى، ءبارى گازادا قالماعاندا عانا وق توقتايدى»، - دەدى سيمونا گالپەرين.

سونداي-اق ول يزرايلدەگى مۇسىلمانداردىڭ ۇلەس سالماعى تۋرالى دەرەك كەلتىردى.

«يزرايلدەگى حالىقتىڭ 20 پايىزى نەگىزىنەن ارابتار. 2-3 پايىزى عانا حريستيان بار. تەك زاڭ بويىنشا عانا ەمەس، مەملەكەتتە، اۋرۋحانالاردا، مەكتەپتەردە جۇمىس ىستەيتىندەردىڭ اراسىنداعى ۇلەسى 10 پايىزدان جوعارى. بىزدەگى ساياسات ازشىلىق قاۋىمدارعا مەملەكەت جۇمىسىنا كىرۋدە كەرىسىنشە باسىمدىق بەرەدى. ياعني، كەرىسىنشە ولاردى قولدايتىن، كومەكتەسەتىن ارنايى باعدارلامالار بار»، - دەدى يزرايل س ءى م وكىلى.

ەسكە سالساق، گازا سەكتورىنداعى پالەستينالىق راديكالدار يزرايل اۋماعىنا زىمىران اتقىلاپ، يزرايلدىڭ ورتالىعى مەن وڭتۇستىگىندە ەرەكشە جاعداي ەنگىزىلگەن ەدى.

سوڭعى مالىمەتتەر بويىنشا، يزرايل اسكەرى گازانى تولىعىمەن قورشاپ، ەكىگە ءبولىپ تاستاعان.

سىرتقى ىستەر مينيسترلىگىنىڭ مالىمەتى بويىنشا، گازا سەكتورىندا قازىر قازاقستاننىڭ 76 ازاماتى بار.

اۆتور

ەسىمجان ناقتىباي