يزرايل تۇتقىنداعى 602 پالەستينالىقتى بوساتادى
استانا. KAZINFORM - ولاردىڭ 50- ءى يزرايلدە ءومىر بويىنا باس بوستاندىعىنان ايىرىلعان، دەپ جازادى انادولى.
حاماس 22- اقپاندا تۇتقىن الماسۋدىڭ 8- راۋندى اياسىندا يزرايلدىڭ 602 پالەستينالىقتى بوساتاتىنىن حابارلادى.
حاماس يزرايلمەن اراداعى اتىستى توقتاتۋ جانە تۇتقىن الماسۋ كەلىسىمى بويىنشا بوساتىلاتىن پالەستينالىقتارعا قاتىستى مالىمدەمە جاسادى.
مالىمدەمەدە 602 پالەستينالىق: ءومىر بويى باس بوستاندىعىنان ايرىلعان 50 ادام، ۇزاق مەرزىمگە قامالعان 60 ادام جانە 445 گازالىقتار 22-اقپاندا بوساتىلاتىنى ايتىلعان.
حاماس- تىڭ اسكەري قاناتى يززەدين ءال-كاسسام بريگاداسىنىڭ باسپا ءسوز حاتشىسى ءابۋ ۋبەيدا ەرتەڭ بولاتىن الماسۋدىڭ 8- راۋندى اياسىندا 6 يزرايلدىك تۇتقىن بوساتىلاتىنىن ايتقان.
ايتا كەتەيىك، بۇعان دەيىن حاماس ءتورت تۇتقىننىڭ دەنەسىن قىزىل كرەست ۇيىمىنا تاپسىرعانىن حابارلاعان ەدىك.
سونداي-اق حاماس سوعىستى توقتاتۋ ءۇشىن بارلىق تۇتقىندى بوساتۋدى ۇسىنعان.
اۆتور
جاراسقان نۇرىبايەۆ