يزرايل تۇتقىنعا الىنعان 10 ايلىق ءسابيدىڭ ءولىمى تۋرالى اقپاراتتى تەكسەرىپ جاتىر
13:23, 30 - قاراشا 2023
يزرايل اسكەرى پالەستينالىق تاراپتىڭ تۇتقىنعا الىنعان ءۇش ادامنىڭ ءولىمى تۋرالى مالىمدەمەسىن تەكسەرىپ جاتىر. Kazinform بۇل تۋرالى Euronews-كە سىلتەمە جاساپ حابارلايدى.
حاماس-تىڭ سودىرلار قاناتى - يزەددين ءال-كاسسام بريگاداسىنىڭ حابارلاۋىنشا، ۇرلانعان يزرايلدىكتەردىڭ ەڭ كىشىسى – 10 ايلىق ءسابي يزرايل اۋە شابۋىلىنىڭ قۇربانى بولدى. ونىمەن بىرگە ونىڭ 4 جاسار اعاسى مەن اناسى قازا تاپتى.
ولارمەن بىرگە اكەسى دە ۇرلانعان، ول تۋرالى ءالى مالىمەت جوق، اتا- اجەسى 7 قازاندا ءولتىرىلدى.
سەيسەنبىدە حاماس ۇيىمى بالالار مەن ولاردىڭ اناسىن ەندى ۇستامايتىنىن، ولاردى باسقا توپقا تاپسىرعانىن حابارلادى. سوندىقتان ولار اتىستى توقتاتۋ كەلىسىمى اياسىندا بوساتىلعاندار تىزىمىنە ەنگەن جوق.