يزرايل تاۋلىك ىشىندە ليۆاننان 90 زىمىران ۇشىرىلعانىن حابارلادى

استانا. KAZINFORM - يزرايل ارمياسى بەيسەنبى كۇنى ليۆاندىق «حەزبوللا» ۇيىمى سودىرلارىنىڭ يزرايلگە قارسى 90 عا جۋىق زىمىران ۇشىرعانىن انىقتادى.

بۇل تۋرالى يزرايل قورعانىس كۇشتەرىنىڭ (تساحال) باسپا ءسوز قىزمەتى مالىمدەدى، دەپ حابارلايدى ت ا س س اقپارات اگەنتتىگى.

مالىمدەمەدە اتاپ وتىلگەندەي، تساحال يزرايل مەن ونىڭ حالقىن «حەزبوللادان» كەلەتىن قاۋىپ-قاتەردەن قورعاۋدى جالعاستىرماق.

بۇعان دەيىن ليۆان پرەمەر-ءمينيسترىنىڭ مىندەتتەرىن ۋاقىتشا اتقارۋشى نادجيب ميكاتي يزرايلمەن اتىستى توقتاتۋ تۋرالى كەلىسىم بىرنەشە كۇن ىشىندە جاريالانادى دەپ ۇمىتتەنگەن. پرەمەر مالىمدەمەسى ا ق ش قولداعان اتىستى توقتاتۋ تۋرالى ۇسىنىستىڭ ەگجەي-تەگجەيى اشىلىپ كەتكەن كەزدە جاسالدى.

31-قازاندا يزرايلدىڭ بەيت-لاحياعا جاساعان سوققىسىنان 100 دەن استام پالەستينالىق قازا تاپقانى حابارلانعان بولاتىن.