استانا. KAZINFORM - يزرايل «ستراتەگيالىق قاۋىپتەردى جويۋ» كەڭ اۋقىمدى ناۋقانىنىڭ ءبىر بولىگى رەتىندە سيريانىڭ اسكەري- تەڭىز كۇشتەرىن زىمىرانمەن جويدى. بۇل تۋرالى حايفاداعى اسكەري-تەڭىز كۇشتەرى بازاسىنا بارعان يەۆرەي مەملەكەتىنىڭ قورعانىس ءمينيسترى يسراەل كاتس مالىمدەدى، دەپ حابارلايدى Euronews.
بۇل رەتتە يزرايل ءوز اسكەرىنىڭ داماسكىگە قاراي ىلگەرىلەپ جاتقانىن جوققا شىعارىپ، ونىڭ ماقساتى شەكارانى قورعاۋ جانە قارۋ- جاراقتىڭ سودىرلاردىڭ قولىنا تۇسۋىنە جول بەرمەۋ ەكەنىن مالىمدەدى.
كەيىنگى كۇندەرى ەل استاناسى داماسك پەن لاتاكيا پورتى يزرايل اۋە شابۋىلدارىنىڭ نىساناسىنا اينالدى.
«سيرياداعى ادام قۇقىقتارىنىڭ ساقتالۋىن باقىلاۋ ورتالىعى (OSDH)» ۇكىمەتتىك ەمەس ۇيىمىنىڭ مالىمەتىنشە، باشار اساد جەكسەنبى كۇنى قاشقاننان بەرى يزرايل 300 دەن استام اۋە شابۋىلىن جاسادى.
بۇعان دەيىن يزرايل پرەمەر-ءمينيسترى بينيامين نەتانياحۋ سوت الدىندا 2016 -جىلى جاسالعان سىبايلاس جەمقورلىق دەرەگىنە قاتىستى كۋالىك ەتىپ جاتقانىن جازعان بولاتىنبىز.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан