استانا. KAZINFORM - پالەستينالىق حاماس قوزعالىسى مەن يزرايل بيلىگى گازا سەكتورىندا اتىستى توقتاتىپ، انكلاۆتا كەپىلدىكتە وتىرعان ادامداردى بوساتۋ بويىنشا كەلىسىمگە كەلە باستادى. بۇل تۋرالى يزرايل پرەمەر-ءمينيسترى بينيامين نەتانياحۋ ءمالىم ەتتى، دەپ حابارلايدى رەسەيلىك ت ا س س.
- مەنىڭشە، ءبىز كەلىسۋگە تاياۋمىز، كەلىسىمدە بەكىتۋگە جاقسى مۇمكىندىك بار، - دەدى ول Fox Business تەلەارناسىنا بەرگەن سۇحباتىندا.
2-شىلدە كۇنى ا ق ش پرەزيدەنتى دونالد ترامپ يزرايلدىڭ 60 كۇندىك تاتۋلاسۋعا كەلىسكەنىن ءمالىم ەتتى. ونىڭ بارىسىندا تاراپتار سەكتورداعى قاقتىعىستى توقتاتۋعا ۇمتىلاتىن بولادى.
4-شىلدە كۇنى حاماس پالەستينالىق توپتارمەن كەڭەسكەننەن كەيىن دەلدالدارعا گازا سەكتورىندا اتىستى توقتاتۋعا قاتىستى جاعىمدى جاۋاپ بەرگەنىن جەتكىزگەن.
6-شىلدە كۇنى حاماس پەن يزرايل دوحادا گازا سەكتورىندا اتىستى توقتاتىپ، انكلاۆتا كەپىلدىكتە وتىرعان يزرايلدىك ازاماتتاردى بوساتۋعا باعىتتالعان كەلىسسوزدەر پروتسەسىن جاڭعىرتتى.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан