يزرايل: لاڭكەستىك ەلدىڭ قۇرىلۋىنا جول بەرمەيمىز
استانا. قازاقپارات - پالەستينا مەملەكەتى قۇرىلمايدى. ءبىز يزرايلدىڭ جۇرەك تۇسىنان لاڭكەستىك ەلدىڭ قۇرىلۋىنا جول بەرمەيمىز. ەۆرەي پرەمەر-ءمينيسترى وسىلاي دەپ مالىمدەدى.
بينيامين نەتانياحۋ ەۋروپا ەلدەرى مەن اۋستراليانىڭ پالەستينا ەگەمەندىگىن مويىنداۋ تۋرالى شەشىمىن قاتاڭ ايىپتاپ، مۇنى لاڭكەستەرگە جاسالعان سىيعا تەڭەدى. كەشە يزرايل ۇكىمەت باسشىسى ب ۇ ۇ- نىڭ جيىنىنا اتتاندى. قۇراما شتاتتارىنا ساپارىنان كەيىن ءتيىستى جاۋاپ بەرەتىنىن جەتكىزدى.
بينيامين نەتانياحۋ، يزرايل پرەمەر-ءمينيسترى:
- 2023 -جىلى 7- قازانداعى جانتۇرشىگەرلىك قىرعىننان كەيىن پالەستينالىق مەملەكەتتى مويىندايتىن كوشباسشىلار لاڭكەستتىكتى قولداپ وتىر دەگەن ءسوز. يوردان وزەنىنىڭ باتىسىندا ەشقانداي پالەستينالىق مەملەكەت قۇرىلمايدى. وسى ۋاقىتقا دەيىن يۋدەيا مەن سامارياداعى ەۆرەي قونىستارىنىڭ سانىن ەكى ەسە ارتتىردىق. مۇنى ودان ءارى جالعاستىرامىز.
24.kz