استانا. KAZINFORM - يزرايل اسكەري توبى ەل شەكاراسىنان 140 ك م قاشىقتىقتا ليۆاننىڭ سولتۇستىگىندە حەزبوللا قوزعالىسىنىڭ كومانديرىن تۇتقىندادى.
بۇل تۋرالى رەسەيلىك تاسس اگەنتتىگى يزرايلدىڭ N12 تەلەارناسىنا سىلتەمە جاساپ حابارلادى.
تەلەارنانىڭ حابارلاۋىنشا، تۇتقىنعا الىنعان «حەزبوللا» كومانديرى يزرايلگە جەتكىزىلىپ، ءتيىستى بارلاۋ بولىمىنە جاۋاپ الۋعا جىبەرىلگەن.
كەيبىر ب ا ق حابارلاۋىنشا ۇستالعان «حەزبوللا» كومانديرى تەڭىز-اسكەري كۇشتەرىندە باسشىلىق قىزمەت اتقارعان.
بۇعان دەيىن حابارلانعانداي، يزرايل ليۆاننىڭ وڭتۇستىگىندە «حەزبوللا» نىساندارىنا سوققى بەرىپ، 65 ادام مەرت بولدى.
سونىمەن قاتار «حەزبوللا» جاڭا باسشىسىن سايلادى.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.