يزرايل حاماس-تىڭ تۇتقىنداردى بوساتۋدى توقتاتۋ تۋرالى مالىمدەمەسىنە جاۋاپ بەردى

استانا. KAZINFORM - يزرايل قورعانىس ءمينيسترى يسراەل كاتس حاماس مالىمدەمەسىنە قاتىستى پىكىر ءبىلدىردى، دەپ جازادى BBC.

- حاماس-تىڭ كەپىلگە الىنعانداردى بوساتۋدى توقتاتۋ تۋرالى مالىمدەمەسى اتىستى توقتاتۋ كەلىسىمىن تولىعىمەن بۇزۋ. مەن يزرايل ارمياسىنا گازاداعى كەز كەلگەن وقيعاعا قارسى جاۋىنگەرلىك ازىرلىگىن ارتتىرۋدى جانە يزرايل ەلدى-مەكەندەرىن قورعاۋدى قامتاماسىز ەتۋدى تاپسىردىم، - دەدى يسراەل كاتس حاماس مالىمدەمەسىنە جاۋاپ بەرە وتىرىپ.

ءوز كەزەگىندە ا ق ش پرەزيدەنتى دونالد ترامپ بۇل توپتان سەنبىگە دەيىن بارلىق كەپىلگە الىنعانداردى بوساتۋدى تالاپ ەتتى، ايتپەگەندە گازا سەكتورىنداعى اتىستى توقتاتۋ كەلىسىمى بۇزىلادى - «توزاق وتى قايتا تۇتانادى». بۇل تۋرالى ول دۇيسەنبى كۇنى اق ۇيدە جۋرناليستەرمەن بولعان سۇحباتىندا ايتتى، دەپ حابارلايدى تاسس.

ايتا كەتەيىك، سەنبى كۇنگى گازا سەكتورىنداعى اتىستى توقتاتۋ كەلىسىمىندە كوزدەلگەندەي، سودىرلار تۇتقىنىندا بولعان يزرايلدىك كەپىلگە الىنعانداردى بوساتۋدىڭ جانە ولاردى پالەستينالىق تۇتقىندارعا ايىرباستاۋدىڭ كەلەسى كەزەڭى ءوتۋى ءتيىس بولاتىن. حاماس سەنبىگە جوسپارلانعان يزرايلدىك كەپىلدەگىلەردى بوساتۋدى بەلگىسىز ۋاقىتقا كەيىنگە شەگەرەتىنىن مالىمدەدى.

ەسكە سالساق حاماس تاعى ءۇش يزرايلدىك تۇتقىندى بوساتقان بولاتىن.

اۆتور

ەركەجان سماعۇلوۆا