يزرايل: حاماس كوشباسشىسى ياحيا سينۆار گازادا ءولتىرىلدى
استانا. KAZINFORM - يزرايل شەنەۋنىكتەرى مەن س ا ح ا ل حاماس كوشباسشىسىنىڭ كوزى جويىلعانى تۋرالى اقپاراتتى راستادى. بۇل تۋرالى Euronews جازدى.
حاماس كوشباسشىسى ياحيا سينۆار گازا سەكتورىنداعى ارنايى وپەراتسيا كەزىندە ءولتىرىلدى. بۇل تۋرالى يزرايل شەنەۋنىكتەرى مەن س ا ح ا ل حابارلادى.
يزرايل بارلاۋ اگەنتتىگىنىڭ حابارلاۋىنشا، توپتىڭ باسشىلارى جاسىرىنعان جەردە ايقاس بولعان. ءبىراق سينۆارمەن قاقتىعىس «كەزدەيسوق» بولعانى ايتىلادى.
سوققى ناتيجەسىندە ءۇش سودىردىڭ كوزى جويىلدى. بۇقارالىق اقپارات قۇرالدارىنىڭ حابارلاۋىنشا، ولاردىڭ ءبىرى سينۆارعا «وتە ۇقساس» بولدى جانە ونىڭ دەنەسى يزرايلگە د ن ق ساراپتاماسىنا جىبەرىلدى.
ياحيا سينۆار يزرايل ىزدەگەن تەرروريستەر ءتىزىمىنىڭ جوعارعى جاعىندا بولدى. ونى ەۆرەي مەملەكەتىنىڭ بيلىگى 2023 -جىلعى 7-قازانداعى تەرروريستىك شابۋىل جوسپارىنا جاۋاپتى دەپ سانايدى. ول تامىز ايىندا تەگەراندا ولتىرىلگەن يسمايل حانيانىڭ لاڭكەستىك توبىنىڭ جەتەكشىسى بولدى.
بۇعان دەيىن ءبىرقاتار ب ا ق پالەستينا راديكالدى حاماس قوزعالىسى ساياسي بيۋروسىنىڭ باسشىسى ياحيا سينۆاردىڭ ءتىرى ەكەنىن جانە ۇزاق ۇنسىزدىكتەن كەيىن بايلانىسقا شىققانىن حابارلاعان بولاتىن.
اۆتور
ەلميرا ورالبايەۆا