يزرايل ب ۇ ۇ-نىڭ ادام قۇقىقتارى جونىندەگى كەڭەسىنەن شىعاتىنىن جاريالادى

استانا. KAZINFORM - يزرايل سىرتقى ىستەر ءمينيسترى ا ق ش-تىڭ ب ۇ ۇ-نىڭ ادام قۇقىقتارى جونىندەگى كەڭەسىنەن شىعۋ تۋرالى شەشىمىن قۇپتاپ، ءوز ەلىنىڭ دە سولاي ەتۋگە نيەتتى ەكەنىن مالىمدەدى، دەپ حابارلايدى DW اقپارات اگەنتتىگى.

ا ق ش-تان كەيىن يزرايل ب ۇ ۇ-نىڭ ادام قۇقىقتارى جونىندەگى كەڭەسىنىڭ جۇمىسىنا قاتىسۋىن توقتاتاتىنىن جاريالادى.

بۇل تۋرالى ەلدىڭ سىرتقى ىستەر ءمينيسترى گيدەون ساار سارسەنبى، 5-اقپان كۇنى X الەۋمەتتىك جەلىسىندەگى اككاۋنتىندا جازدى.

- يزرايل پرەزيدەنت ترامپتىڭ ب ۇ ۇ-نىڭ ادام قۇقىقتارى جونىندەگى كەڭەسىنىڭ جۇمىسىنا قاتىسپاۋ تۋرالى شەشىمىن قۇپتايدى. يزرايل قۇراما شتاتتارىنا قوسىلادى جانە ب ۇ ۇ- نىڭ ادام قۇقىقتارى جونىندەگى كەڭەسىنىڭ جۇمىسىنا قاتىسپايدى، - دەلىنگەن مينيستر مالىمدەمەسىندە.

ساار ب ۇ ۇ-نىڭ ادام قۇقىقتارى جونىندەگى كەڭەسىن «ادام قۇقىقتارىن بۇزۋشىلاردى ءداستۇرلى تۇردە قورعاپ وتىر» جانە «تاياۋ شىعىستاعى جالعىز دەموكراتيا - يزرايلدى دەمونيزاتسيالاۋدا» دەپ ايىپتادى.

- بۇل ورگان ادام قۇقىقتارىن ىلگەرىلەتۋدىڭ ورنىنا دەموكراتيالىق ەلگە شابۋىل جاساۋعا جانە انتيسەميتيزمدى ناسيحاتتاۋعا باسىمدىق بەرىپ وتىر، - دەپ قوستى ساياساتكەر.

يزرايل س ءى م-نىڭ باسشىسى سونداي-اق ءوز ەلىنە قارسى جۇزدەن استام ايىپتايتىن قارار قابىلدانعانىن ەسكە سالدى.

ايتا كەتەيىك، بۇعان دەيىن ب ۇ ۇ گازا سەكتورىنان 2500 بالانى شۇعىل ەۆاكۋاتسيالاۋ قاجەتتىگىن مالىمدەگەن.

اۆتور

زارينا تۋعانبايەۆا