ولاردىڭ پىكىرىنشە، يزرايل اسكەرلەرىنىڭ گولاننىڭ سىرتىنا قايتا ورنالاستىرىلۋى سيريانىڭ بۇرىنعى پرەزيدەنتى باشار اسادتىڭ ەلدەن كەتۋىنە بايلانىستى جانە بۇل ايماقتاعى تۇراقسىزدىقتىڭ كۇشەيۋىنە اكەلۋى مۇمكىن.
باسىلىمنىڭ مالىمەتىنشە، يەۆرەي مەملەكەتى ارمياسىنىڭ بۋفەرلىك ايماقتان تىس جەردە ەكەنىن يزرايل ارمياسى باس شتابىنىڭ باستىعى گەرتسي حاليەۆيدىڭ سيريا اۋماعىنا اسكەردى ورنالاستىرۋ تۋرالى مالىمدەمەسى راستادى.
27- قاراشادا وپپوزيتسيالىق قارۋلى توپتار سيريانىڭ الەپپو جانە يدليب پروۆينتسيالارىندا ۇكىمەت پوزيتسيالارىنا قارسى اۋقىمدى شابۋىل جاسادى. 7 - جەلتوقسان كۇنى كەشكە ولار بىرنەشە ءىرى قالانى باسىپ الىپ، كەلەسى كۇنى داماسكىگە كىردى، سودان كەيىن ارميا بولىمدەرى استانادان شىعىپ كەتتى. اساد سيريانىڭ ىشكى كەلىسسوزدەرىنەن كەيىن پرەزيدەنتتىك قىزمەتتى بوساتىپ، ەلدەن كەتتى.
8 - جەلتوقسان كۇنى تاڭەرتەڭ يزرايل ارمياسى سيريامەن شەكاراداعى بۋفەرلىك ايماققا ءوز كۇشتەرىن ورنالاستىراتىنىن رەسمي تۇردە جاريالادى.
پرەمەر- مينيستر بەنيامين نەتانياحۋ بۇل ارەكەتتەر اراب رەسپۋبليكاسىنداعى سوڭعى وقيعالارعا بايلانىستى، قورعانىس سيپاتىندا جانە ۋاقىتشا شارا ەكەنىن ءتۇسىندىردى.