يزرايلدىڭ گازا سەكتورىنداعى ارەكەتىنە قارسى شىققان بىرنەشە ادام كەشە نيۋ-يورك ورتالىعىنداعى The New York Times گازەتى رەداكسياسىنا كىرىپ كەتتى. بۇل تۋرالى ت ا س س تىلشىسىنە وقيعا ورنىندا بولعان كۋاگەرلەر ايتتى، دەپ حابارلايدى Kazinform.
ولاردىڭ سوزىنشە، پالەستينانى جاقتاعان بىرنەشە بەلسەندى ىشكە كىرىپ كەتكەن. ءبىراز ۋاقىتتان كەيىن ولاردى كۇزەت الىپ شىقسا، كەيبىرىن پوليتسيا ۇستاپ اكەتكەن.
نارازىلىققا شىققاندار ەسىكتەرگە «جالعان» دەپ جازىپ كەتكەن، سونداي-اق عيماراتتان «گازا سەكتورىن بوساتىڭدار» جانە «ب ا ق وتىرىك ايتقان سايىن گازا سەكتورىندا ادامدار ءولىپ جاتىر» دەگەن جازبالار بايقالادى.
عيمارات ماڭىن كۇشەيتىلگەن پوليتسيا جاساعى كۇزەتىپ تۇر، جاقىن اۋماقتىڭ ءبىر بولىگىن قۇقىق قورعاۋشىلار قورشاۋعا الدى.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан