استانا. KAZINFORM - يزرايل اۋە كۇشتەرى سيريانىڭ وڭتۇستىگىندەگى مازرات بەيت دجين ايماعىنا اۋەدەن سوققى بەردى. بۇل تۋرالى يزرايل ارمياسىنىڭ باسپا ءسوز قىزمەتى تاراتقان مالىمدەمەدە ايتىلعان، دەپ حابارلايدى انادولى اگەنتتىگى.
مالىمدەمەگە سايكەس، شابۋىلدىڭ نىساناسى پالەستينالىق حاماس قوزعالىسىنىڭ وكىلى بولعان.
2024 -جىلدىڭ 8 -جەلتوقسانىندا يزرايل ارمياسى 1967 -جىلدان بەرى باسىپ العان گولان جوتالارىنا جاقىن ورنالاسقان بۋفەرلىك ايماقتى باسىپ الدى.
يزرايل اسكەرلەرى سيريامەن شەكاراداعى بۋفەرلىك ايماقتان شىعىپ، داماسكىدەن 20 شاقىرىم قاشىقتىقتا ورنالاسقان.
2024 -جىلى 8 -جەلتوقساندا سيرياداعى بااس پارتياسى رەجيمى قۇلاعاننان كەيىن يزرايل بيلىكتەن قۋىلعان رەجيمنىڭ ونداعان اسكەري نىساندارىنا شابۋىلدادى.
2 -مامىردا يزرايل داماسكىدەگى پرەزيدەنت سارايىنىڭ ماڭىندا اۋە شابۋىلىن جاسادى.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.