ۆيزاسىز رەجيم: قانشا مىڭ قازاقستان ازاماتى قىتايعا ساپارلادى

استانا. KAZINFORM - قىتايمەن ارادا ۆيزاسىز رەجيم ەنگىزىلگەننەن بەرى 173 مىڭ وتانداسىمىز كورشى ەلگە باردى. بۇل تۋرالى سىرتقى ىستەر مينيسترلىگىنىڭ رەسمي وكىلى ايبەك سمادياروۆ ايتتى.

«قىتايمەن ۆيزاسىز رەجيم ەنگىزەمىز دەگەندە قانشاما حالىق شۋلادى. مىسالى، الەۋمەتتىك جەلىنى اشىپ قالساڭىز، «قىتاي جاۋلاپ الادى»، «قاۋىپسىزدىك نە بولادى؟»، «مەملەكەت قايدا قاراپ وتىر» دەگەن جازبالار مەن ۇراندار بولدى»، - دەدى ايبەك سمادياروۆ.

ونىڭ اتاپ وتۋىنشە، وتكەن جىلدىڭ 10-قاراشاسىندا كۇشىنە ەنگەن ەكى ەل اراسىنداعى كەلىسىم ءوز ناتيجەسىن بەرىپ جاتىر.

«ستاتيستيكاعا سۇيەنسەك، 2023-جىلعى 10-قاراشادان بەرى قازاقستانعا 126 مىڭ قىتاي ازاماتى كەلگەن. سونداي-اق وسى ۋاقىتتان بەرى قىتايعا 173 مىڭ قازاقستاندىق بارعان. ءوزىم دە 2 كۇن بۇرىن قىتايعا بارىپ كەلدىم. ۇشاقتىڭ بارىندە تولعان قازاقستان ازاماتتارى. سۇراستىرساڭ، كوبى تۋريست. مىسالى، 1-2 اتا-انانى كوردىم. ولار بالالارىن وقىتۋ ءۇشىن ۋنيۆەرسيتەت قاراۋعا بارا جاتىر ەكەن. سوندىقتان مادەني گۋمانيتارلىق بايلانىس نىعايىپ كەلەدى. پرەزيدەنتتىڭ جانە سىرتقى ىستەر ءمينيسترىنىڭ ساپارى دا وتە ءساتتى ءوتتى دەپ ويلايمىن»، - دەدى رەسمي وكىل.