استانا. KAZINFORM - مەنينگيت - دەر كەزىندە مەديتسينالىق كومەكتى قاجەت ەتەتىن قاۋىپتى اۋرۋ. الماتى قالاسىنداعى №14-قالالىق ەمحانانىڭ ج ت د ءبولىمىنىڭ مەڭگەرۋشىسى جانسايا جاڭابايەۆا ونىڭ العاشقى بەلگىلەرىن ايتتى، - دەپ حابارلايدى Massaget.kz قوعامدىق دەنساۋلىق ساقتاۋ باسقارماسىنا سىلتەمە جاساپ.
باستاپقىدا مەنينگيتتى ج ر ۆ ي-مەن شاتاستىرۋعا بولادى. الايدا قاتتى باس اۋرۋى، دەنە قىزۋى، قايتا-قايتا قۇسۋ، السىزدىك، مويىن اۋىرۋى، جارىق پەن دىبىسقا سەزىمتالدىق سەكىلدى بەلگىلەر الاڭداتۋعا ءتيىس.
«مەنينگوكوكك ينفەكسياسى كەزىندە تەرىدە گەمورراگيالىق بورتپە پايدا بولۋى مۇمكىن. قۇرىسۋ، تىنىس الۋ قيىنداۋى - شۇعىل مەديتسينالىق كومەكتى قاجەت ەتەتىن قاۋىپتى بەلگىلەر»، - دەدى مامان.
دارىگەردىڭ ايتۋىنشا، مەنينگيت تەز ءورشۋى مۇمكىن، سوندىقتان كۇدىكتى بەلگىلەر پايدا بولعان جاعدايدا كۇتپەي، وزدىگىنەن ەمدەلمەي، دەرەۋ مەديتسينالىق كومەككە جۇگىنۋ قاجەت.
الدىن الۋ ءۇشىن جەكە باس گيگيەناسىن ساقتاۋ، بولمەنى ءجيى جەلدەتۋ جانە ناۋقاس ادامدارمەن تىعىز قارىم-قاتىناستان اۋلاق بولعان ءجون.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан