مينيستر مەكتەپ وقۋلىقتارى قالاي جاڭارتىلاتىنىن ايتتى

شەنەۋنىكتىڭ ايتۋىنشا، بيىل جوسپار بويىنشا 2، 3، 7، 8 جانە 9-سىنىپتارعا ارنالعان وقۋلىقتار جاڭارتىلادى. سونىمەن قاتار، ءبىلىم مازمۇنى دا قايتا قارالىپ جاتىر.

«قازىر بىزدە جاڭا كونستيتۋتسيانىڭ جاڭا نورمالارى مەن قۇندىلىقتارىنا سايكەس ءبىلىم مازمۇنىن جاڭارتۋ جۇمىستارى جۇرگىزىلىپ جاتىر»، - دەدى جۇلدىز سۇلەيمەنوۆا.

مينيستر قازىر مەملەكەتتىك ستاندارت قايتا قارالىپ جاتقانىن دا ناقتىلادى. ماسەلەن «قازاقستان گەوگرافياسى» پانىنە 2 ساعات قوسۋ جوسپارلانعان. بۇدان بولەك، مەكتەپ باعدارلاماسىنا جاساندى ينتەللەكت ەنگىزىلەدى.

جۇلدىز سۇلەيمەنوۆانىڭ سوزىنشە، 1-سىنىپتان 4-سىنىپقا دەيىن ج ي سيفرلىق ساۋاتقا ينتەگراتسيالانادى. بۇرىن باستاۋىش سىنىپتاردا تەك سيفرلىق ساۋات بولسا، ەندى وعان جاڭا تاقىرىپتار قوسىلادى، بارلىعى 12 ساعات بولادى.

5 تەن 9-سىنىپقا دەيىن سيفرلىق ساۋات پەن ينفورماتيكا پاندەرى دە جاڭارتىلادى. بۇل پاندەرگە جاڭا تاقىرىپتار، باقىلاۋ جۇمىستارىنا جاڭا تاسىلدەر ەنگىزىلەدى.

ەسكە سالايىق، بۇعان دەيىن قازاقستاندا وقۋشىلارعا ارنالعان جاڭا وقۋلىقتار شىعارىلاتىنى حابارلاندى.