ۇيىندە تۇرمايتىن ادامداردى تىركەگەندەرگە جازا كۇشەيتىلەدى

استانا. قازاقپارات - ەندى باسپاناسىنا شامادان تىس جانە ۇيىندە تۇرمايتىن ادامداردى تىركەگەندەرگە جازا كۇشەيتىلەدى. بۇعان قاتىستى زاڭناماعا ءتيىستى تۇزەتۋلەر ەنگىزۋ جۇمىستارى ءجۇرىپ جاتىر.

بۇل تۋرالى ىشكى ىستەر مينيسترلىگى كوشى-قون كوميتەتىنىڭ ءتوراعاسى اسلان اتالىقوۆ مالىمدەدى.

ايتۋىنشا، تىركەۋگە وتە كوپ ادام العان 1348 پاتەر يەسى انىقتالعان. جالپى ۇيگە تىركەلەتىن ادام سانىندا شەكتەۋ جوق. الايدا ودان پايدا تابۋ زاڭسىز ءىس سانالادى. جۋىردا 900-دەن استام ادامدى، قۇجات بويىنشا ءوزىنىڭ اياداي عانا باسپاناسىندا تۇرۋعا رۇقسات بەرگەن استانالىق ازامات انىقتالىپتى. ول ەل تۇرعىندارىنان بولەك شەتەل ازاماتتارىن دا تىركەي بەرگەن. بۇل تۇستا پاتەر يەسى زاڭسىز كوشى-قوندى ۇيىمداستىرعان دەپ تانىلىپ، وعان ەكى جىلعا دەيىن باس بوستاندىعىنان شەكتەۋ جازاسى تاعايىندالدى.

اسلان اتالىقوۆ، ق ر ءى ءى م كوشى-قون قىزمەتى كوميتەتىنىڭ ءتوراعاسى:

- قازىر جالعان تىركەۋلەرگە قاتىستى نورماعا تۇزەتۋ ەنگىزۋ ماسەلەسى قاراستىرىلىپ جاتىر. قولدانىستاعى زاڭعا سايكەس، ەشقانداي شەكتەۋ جوق. دەگەنمەن، ماماندار، ۇيىندە تۇرمايتىن ادامدى تىركەۋگە الۋ ارەكەتىن ىسكە اسىرۋعا جول بەرمەۋ تالاپتارىن ۇسىنىپ وتىر. سايكەسىنشە بۇل قۇجات الداعى ۋاقىتتا پارلامەنت قابىرعاسىندا قارالۋى مۇمكىن.

24.kz