ۇيىندە اۆتومات ساقتاعان تۇركىستان وبلىسىنىڭ تۇرعىنى قاماۋعا الىندى

تۇركىستان. KAZINFORM - تۇركىستان وبلىسىنىڭ پوليتسەيلەرى زاڭسىز ساقتالعان قارۋلاردى تاركىلەدى. ونىڭ ىشىندە ا ك-47 اۆتوماتى بار. بۇل تۋرالى تۇركىستان وبلىسى پوليتسيا دەپارتامەنتى باستىعىنىڭ ورىنباسارى قۇرمانبەك ساحوۆ مالىمدەدى.

ءتورت جەرگىلىكتى تۇرعىندى ءتىنتۋ بارىسىندا ولاردان ا ك-47 اۆتوماتى، 3 مىلتىق كارابينى، 2 اڭشىلىق مىلتىق، تراۆماتيكالىق تاپانشا، ءتۇرلى كاليبرلى پاتروندار مەن جابايى ارقار ءمۇيىزى جانە باسقا دا زاتتاي دالەلدەمەلەر تابىلىپ، تاركىلەندى.

فوتو: تۇركىستان وبلىسى پ د

قازىرگى تاڭدا كۇدىكتىلەرگە قاتىستى قارۋدى زاڭسىز ساقتاۋ فاكتىسى بويىنشا قىلمىستىق ءىس قوزعالدى. ساراپتاما دا تاعايىندالعان.

«تۇركىستان وبلىسى پوليتسيا دەپارتامەنتىنىڭ ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى جەدەل-ىزدەستىرۋ شارالارى ناتيجەسىندە قارۋدى زاڭسىز ساقتاۋ فاكتىلەرىن انىقتادى. اتالعان ءىس بويىنشا سايرام، تۇلكىباس جانە بايدىبەك اۋداندارىنىڭ تۇرعىندارى قاماۋعا الىندى. وقيعانىڭ ءمان-جايى مەن كۇدىكتىلەردىڭ قارۋ-جاراق پەن وق-دارىلەردى قانداي ماقساتتا ساقتاعانى انىقتالۋدا. تەرگەۋ ءجۇرىپ جاتىر»، - دەدى قۇرمانبەك ساحوۆ.

اۆتور
قايرات زاينيشەۆ