باعدارلاما بويىنشا يپوتەكا 7 پايىز مولشەرلەمەمەن، كەمىندە 20 پايىز باستاپقى جارنامەن جانە 25 جىلعا دەيىنگى مەرزىمگە بەرىلەدى. باسپانا تەك پايدالانۋعا بەرىلگەن جاڭا ۇيدەن ساتىپ الىنادى.
يپوتەكا الۋ ءۇشىن سوڭعى 18 ايدا ءوتىنىش بەرۋشى مەن جۇبايىنىڭ اتىندا ءۇي بولماۋى، رەسمي تابىسى بولۋى جانە قولدانىستاعى يپوتەكالىق قارىزى بولماۋى كەرەك. سونىمەن قاتار، ازامات بۇعان دەيىن «7-20-25» باعدارلاماسىنا قاتىسپاعان بولۋى ءتيىس.
نەسيە شەگى استانا، الماتى، شىمكەنت، اقتاۋ، اتىراۋ جانە ماڭىنداعى ەلدى مەكەندەردە - 30 ميلليون، قاراعاندىدا - 25 ميلليون، باسقا وڭىرلەردە 20 ميلليون تەڭگەگە دەيىن.
باعدارلاماعا جەتى بانك قاتىسادى. ال «وتباسى بانك» نەسيە بەرمەيدى.
2026 -جىلدىڭ العاشقى توعىز ايىندا 3696 نەسيە راسىمدەلىپ، 74,9 ميلليارد تەڭگە يگەرىلگەن. جالپى، 2018 -جىلدان بەرى 86851 نەسيە بەرىلىپ، ونىڭ سوماسى 1,249 تريلليون تەڭگەدەن استى.