ەگيپەتتەگى حەوپس پيراميداسىنىڭ قۇپياسى اشىلدى

ەگيپەت پيراميدالارىن قۇلدار ەمەس، بىلىكتى جۇمىسشىلار سالعانى انىقتالدى. بۇل تۋرالى ەگيپەتتىڭ كونە مۇرالار جونىندەگى بۇرىنعى ءمينيسترى، تانىمال ارحەولوگ زاحي حاۆاسس Matt Beall Limitless پودكاستىندا مالىمدەدى.

ارحەولوگتىڭ ايتۋىنشا، ونىڭ كومانداسى ب. ز. د. XIII عاسىردا ءومىر سۇرگەن جۇمىسشىلار قالدىرعان بەلگىسىز ىزدەردى تاپقان. ولار سونداي-اق پيراميدانىڭ وڭتۇستىگىندەگى جەرلەۋ ورىندارىن زەرتتەدى. وندا تاس سۇيرەپ بارا جاتقان مۇسىندەر مەن 21 ەروگليف قاشالىپ جازىلعان. مىسالى، «پيراميدانىڭ ءبىر جاعىنا جاۋاپتى» جانە «شەبەر» دەگەن جازۋلار بار.

- بۇل جاڭالىقتار قۇرىلىسشىلاردىڭ قۇل بولماعانىن دالەلدەيدى. ەگەر ولار قۇل بولسا، پيراميدانىڭ كولەڭكەسىندە جەرلەنبەس ەدى، - دەدى حاۆاسس.

ونىڭ ايتۋىنشا، جۇمىسشىلار بىرنەشە توپقا ءبولىنىپ جۇمىس ىستەگەن: ءبىرى تاستاردى كەسكەن، ءبىرى ءپىشىن بەرگەن، ال ەندى ءبىرى قۇم ۇستىندە اعاش شانالارمەن تاسىمالداعان. ولار ۇزدىكسىز ەڭبەك ەتىپ، ءار ون كۇن سايىن دەمالعان.

ايتا كەتەيىك، حەوپس پيراميداسى - گيزاداعى ەڭ ۇلكەن پيراميدا جانە ەجەلگى ەگيپەت ساۋلەت ونەرىنىڭ كەرەمەت تۋىندىسى. ول - بۇگىنگە دەيىن ساقتالعان «الەمنىڭ جەتى كەرەمەتىنىڭ» جالعىز نۇسقاسى ءارى ەڭ كونەسى. زەرتتەۋشىلەر ونىڭ جاسى شامامەن 4500 جىل دەپ ەسەپتەيدى.