ۆيتسە-پرەمەر: سۋ باسۋ قاۋپى بار وڭىرلەردەگى ازىق-تۇلىك قورىن قاۋىپسىز جەرگە جەتكىزۋ كەرەك

استانا. KAZINFORM - ۇكىمەتتە ۆيتسە-پرەمەر سەرىك جۇمانعاريننىڭ توراعالىعىمەن وتكەن كەڭەستە الەۋمەتتىك ماڭىزى بار ازىق-تۇلىك تاۋارلارى باعاسىنىڭ قارقىنى مەن وڭىرلەردەگى ازىق- تۇلىك قورلارىنىڭ ساقتالۋ ماسەلەلەرى تالقىلاندى.

قازىرگى تاڭدا ستاتيستيكا الەۋمەتتىك ماڭىزى بار ازىق- تۇلىك باعاسىنىڭ ەكى اپتا قاتارىنان تومەندەگەنىن كورسەتتىى. ساۋىردە ەكى اپتاسىنداعى باعانىڭ جالپى ءوسۋ يندەكسى: - 0,2 پايىزدى قۇرادى. وسىلايشا، پياز (-2,6 پايىز)، كۇنباعىس مايى (-1,6 پايىز)، قاراقۇمىق جارماسى مەن جۇمىرتقا (-1 پايىز)، كۇرىش (-0,5 پايىز)، روجكي (-0,2 پايىز) قۇنىنىڭ تومەندەۋى تىركەلدى. سيىر ەتىنە ورتاشا باعا يندەكسىنىڭ ءوسۋى (0,6 پايىز) نەگىزىنەن اقتوبە وبلىسىنداعى ءونىم قۇنىنىڭ قىسقا مەرزىمدى قىمباتتاۋىنا بايلانىستى، وندا تاسىمالداۋشىلار ەتتى بارلىق وتكىزۋ ورىندارىنا دەر كەزىندە جەتكىزە الماعان.

«ەلىمىزدىڭ سەگىز وڭىرىندە ءا م ا ت- تىڭ ورتاشا باعا يندەكسى تومەندەگەنى بايقالىپ وتىر، ونىڭ التاۋىندا نولگە تەڭ. اقتوبە وبلىسىندا (0,8 پايىزعا) ، ماڭعىستاۋ، ب ق و (0,2 پايىزعا)، اتىراۋ، قاراعاندى جانە اباي وبلىستارىندا (0,1 پايىزعا) باعانىڭ ءبىرشاما كوتەرىلۋى تىركەلگەن»، - دەپ اتاپ ءوتتى ساۋدا جانە ينتەگراتسيا ءبىرىنشى ۆيتسە-ءمينيسترى ايجان بيجانوۆا.

سۋ تاسقىنىنان زارداپ شەككەن وڭىرلەر

«الدىن الا ەسەپتەۋلەر بويىنشا، وڭىرلەردە 130 ساۋدا نىسانى زارداپ شەگىپ، پاۆلودار وبلىسىنىڭ ءبىر كاسىپكەرىنە كەلتىرىلگەن شىعىن وتەلدى. قالعاندارى بويىنشا شىعىننىڭ مولشەرىن انىقتاۋ جۇمىستارى جۇرگىزىلۋدە، پەتروپاۆلعا كوكشەتاۋ، استانا، قاراعاندى جانە ومبى قالالارىنان اۋىز سۋ جەتكىزۋ جۇمىستارى ۇيىمداستىرىلدى. تاۋلىك بويى اۋىز سۋ قۇيۋ تۋرالى كەلىسىمگە «كوكشەتاۋمينسۋ» مەكەمەسىمەن قول جەتكىزىلدى. قازىرگى تاڭدا پەتروپاۆل قالاسىنىڭ بارلىق دۇكەندەرى مەن قويمالارى سۋمەن قامتىلعان»، - دەدى ايجان بيجانوۆا.

ۆيتسە-پرەمەر جۇمانعاريننىڭ تاپسىرماسى بويىنشا ساۋدا كوميتەتى ب ق و مەن س ق و-داعى كوكونىس قويمالارىن سۋ باسۋ جانە ءا م ا ت قورلارىن جوعالتۋ قاۋپى تۇرعىسىنان مونيتورينگ جۇرگىزدى. ب ق و- دا «ەل- ىرىسى» بازارىنىڭ اۋماعىندا تۇراقتاندىرۋ قورىنىڭ 293 توننا كۇرىش، 100 توننا قانت، 46 توننا كۇنباعىس مايى ساقتالعانى انىقتالدى. قويما سۋ باسۋدان قورعالعان.

س ق و-دا، ا ك ك مالىمەتىنشە، كوكونىستەردىڭ نەگىزگى قورى ساتىلدى، قالعانى سۋ باسۋ قاۋپى جوق قويمالاردا ساقتالادى.

فوتو: ۇكىمەت

«ب ق و-داعى ازىق- تۇلىك قورلارى بار قويمانى سۋ باسۋ قاۋپى از بولسا دا، قاۋىپسىز ورىن تاۋىپ، ازىق-تۇلىكتى اكەتۋ كەرەك. ازداعان قاۋىپ بايقالعان بارلىق وڭىرلەردە ازىق-تۇلىك ونىمدەرى قاۋىپسىز جەرگە جەتكىزىلۋى ءتيىس»، - دەپ مالىمدەدى ۆيتسە-پرەمەر.

كوكونىستەردى بروننان شىعارۋ

ا ش م مالىمەتىنشە، وڭىرلەردە تۇراقتاندىرۋ قورلارىنان 77,5 مىڭ توننا (42,8 مىڭ توننا كارتوپ، 11 مىڭ توننا ءسابىز، 13,3 مىڭ توننا پياز، 10,3 مىڭ توننا قىرىققابات) ساتىلدى. تاعى 84,8 مىڭ توننا كوكونىس قالدى. زارداپ شەككەن وڭىرلەردە تاماق ونىمدەرىن جەتكىزۋدە ىركىلىستەر بايقالمايدى. كوكونىس قويمالارىن، ا ك ك قويمالارىن سۋ باسۋ تۋرالى اقپارات ءالى تۇسكەن جوق.

جالپى، ماۋسىمارالىق كەزەڭنىڭ باستالۋىن ەسكەرە وتىرىپ، اۋىل شارۋاشىلىعى ۆيتسە-ءمينيسترى ەربول تاسجۇرەكوۆ اكىمدىكتەر مەن ا ك ك-نىڭ نازارىن كوكونىس قالدىقتارىن وتكىزۋدى كۇشەيتۋگە جانە يمپورتتىق جانە ەرتە ەگىن جەتكىزۋگە شارتتارىن جاساۋعا اۋداردى.

جامبىل وبلىسىنىڭ پيازى

جامبىل وبلىسى اكىمدىگىنىڭ مالىمەتىنشە، بۇگىندە قويمالاردا شامامەن 37 مىڭ توننا پياز قالىپ وتىر. 2024 -جىلدىڭ ءبىرىنشى توقسانىندا ەكسپورتقا 162 مىڭ توننا، ساۋىردە 11 ەلدەرگە 22 مىڭ توننا جونەلتىلدى. سۋ تاسقىنىنان زارداپ شەككەن بەس وبلىسقا 241 توننا پياز گۋمانيتارلىق كومەك رەتىندە جونەلتىلدى.

بۇل كوكونىستى جىلدام ساتۋ ءۇشىن وبلىس جانە اۋدان ورتالىقتارىندا ءار سەنبى سايىن اۋىل شارۋاشىلىق جارمەڭكەسى وتكىزىلەدى، وندا تومەن باعامەن شامامەن 10-15 توننا پياز ساتىلادى.

اۆتور

باقىتگۇل اباي قىزى