ۆيتسە-پرەمەر ب ق و-دا تۇتاس اۋىلدى بىرىكتىرگەن اۋىل شارۋاشىلىعى كووپەراتيۆىن قۇرۋ تاجىريبەسىمەن تانىستى
استانا. KAZINFORM - ۆيتسە-پرەمەر تامارا دۇيسەنوۆا باتىس قازاقستان وبلىسىنا جۇمىس ساپارىندا قاراتوبە اۋدانىندا «اۋىل اماناتى» باعدارلاماسىن ىسكە اسىرۋ شەڭبەرىندە اۋىل شارۋاشىلىعى كووپەراتسياسىنىڭ تابىستى تاجىريبەسىمەن تانىستى. بۇل تۋرالى ۇكىمەتتىڭ باسپا ءسوز قىزمەتى حابارلادى
قاراتوبە اۋدانى قوسكول اۋىلىنداعى 227 اۋلانىڭ بارلىعى «جەڭىس ەرحان» كووپەراتيۆىنە بىرىگىپ، ءوز ءوندىرىسىن دامىتىپ جاتىر.
مەملەكەتتىك قولداۋ شارالارى فەرمەرلەرگە 200 ءسۇتتى سيىر مەن 900 گە جۋىق قوي ساتىپ الۋعا مۇمكىندىك بەردى. بيىل كووپەراتيۆ تەحنيكانى ليزينگ ارقىلى جاڭارتقان.
قازىر فەرمەرلەر اۋىل شارۋاشىلىعى ونىمدەرىن وڭدەۋدى بىرلەسىپ دامىتۋدا. قوسكول اۋىلىندا وندىرىلگەن ءسۇت جانە ەت ونىمدەرى جەرگىلىكتى نارىقتا ۇلكەن سۇرانىسقا يە.
تامارا دۇيسەنوۆاعا تاۋارلى- ءسۇت فەرماسىن ودان ءارى كەڭەيتۋ ءۇشىن قۇرىلىس جۇمىسى باستالعانىن حابارلادى.
ۆيتسە-پرەمەر اۋىل شارۋاشىلىعى كووپەراتسياسىنىڭ ءتيىمدى تاجىريبەسىنە وڭ باعا بەرىپ، ب ق و-نا «اۋىل اماناتى» باعدارلاماسى اياسىندا رەسپۋبليكالىق بيۋدجەتتەن قوسىمشا 1 ميلليارد تەڭگە بولىنگەنىن جەتكىزدى.
بۇل قاراجاتتى مال باسىن كوبەيتۋ ءۇشىن عانا ەمەس، باسقا باعىتتاردى دامىتۋ ءۇشىن دە پايدالانۋ قاجەت ەكەندىگى اتاپ ءوتىلدى.
اۆتور
ەلميرا ورالبايەۆا