ۆيتسە-پرەمەر الاكولگە بارادى: پرەزيدەنتتىڭ سىنىنان كەيىن ۇكىمەت وتىرىسى ءوتتى
استانا. KAZINFORM - پرەمەر-مينيستر ولجاس بەكتەنوۆ پرەزيدەنت قاسىم-جومارت توقايەۆتىڭ تۋريستىك سالاداعى تاپسىرمالارىنىڭ ورىندالۋ بارىسى تۋرالى جيىن وتكىزدى.
وندا پرەمەر-ءمينيستردىڭ ورىنباسارى ەرمەك كوشەربايەۆتىڭ، تۋريزم جانە سپورت ءمينيسترى ەربول مىرزابوسىنوۆتىڭ الاكول كولىنىڭ جاعالاۋىنداعى احۋال تۋرالى، سونداي-اق تۋريستىك ينفراقۇرىلىم، سەرۆيس جانە قاۋىپسىزدىك ماسەلەلەرىن قوسا العاندا، ەلىمىزدىڭ تۋريستىك ايماقتارىندا جازعى دەمالىس پەن قولايلى جاعدايلاردى ۇيىمداستىرۋ جونىندەگى باياندامالارى تىڭدالدى.
پرەمەر-مينيستر ءوڭىر اكىمدەرى مەن مينيسترلەرگە بۇل باعىتتاعى جۇمىستى كۇشەيتۋدى تاپسىردى. ءبىرقاتار تاپسىرما بەرىلدى.
مەملەكەت باسشىسى بەرگەن ەسكەرتۋلەردى جەدەل جويۋ ءۇشىن جەرگىلىكتى جەرلەردە جۇمىستاردى ۇيلەستىرۋ ماقساتىندا پرەمەر-ءمينيستردىڭ ورىنباسارى ەرمەك كوشەربايەۆ پەن تۋريزم جانە سپورت ءمينيسترى ەربول مىرزابوسىنوۆ وڭىرلەرگە جىبەرىلەدى. ونىڭ قورىتىندىسى بويىنشا كىنالى لاۋازىمدى تۇلعالاردى جاۋاپكەرشىلىككە تارتۋ تۋرالى ۇسىنىس بەرىلمەك.
سونىمەن قاتار جيىن بارىسىندا الماتى تاۋ كلاستەرىن دامىتۋ ماسەلەلەرى قارالدى. بۇل جوبا اسا ماڭىزدى ينۆەستيتسيالىق باستامالار تىزىمىنە كىرەدى. باستاپقى كەزەڭدە ينفراقۇرىلىمدىق جۇمىستار جوسپارلانعان. ولاردىڭ ىشىندە ەلەكترمەن، گازبەن جابدىقتاۋ، كارىز جەلىلەرى مەن اۆتوجولدار سالۋ، سونداي-اق ىرگەلەس اۋماقتاردى اباتتاندىرۋ جانە ودان ءارى جالپى الەمدىك دەڭگەيدەگى كۋرورتتى قالىپتاستىرۋ ءۇشىن جاعدايلار جاساۋ جانە تاعى دا باسقا جۇمىستار بار. جوبا سونىمەن قاتار جازعى ينفراقۇرىلىمدى دامىتۋدى، ورنىقتى دامۋ قاعيداتتارىن ەنگىزۋدى، قورشاعان ورتانىڭ سيفرلىق مونيتورينگىن جانە نىسانداردىڭ ينكليۋزيۆتىلىگىن قامتاماسىز ەتۋدى كوزدەيدى.