ۆيتسە- مينيستر لۋدومانيا زاڭى تۋرالى: لوببي بار، بىزگە دە قىسىم جاساعاندار بولدى

استانا. KAZINFORM - تۋريزم جانە سپورت ۆيتسە-ءمينيسترى ميراس تولەبايەۆ ءماجىلىس دەپۋتاتى ەلنۇر بەيسەنبايەۆتىڭ لۋدومانيا تۋرالى زاڭدى ۇكىمەتتىڭ قولدان كەشىكتىرىپ وتىرعانى تۋرالى سىنىنا جاۋاپ بەردى.

«دەپۋتات ەلنۇر سابىرجان ۇلىنىڭ ماعان قويعان سۇراعىنا كەلسەم، ۇلكەن زاڭ جوباسى ازىرلەندى. وعان تۋريزم جانە سپورت مينيسترلىگى دە اتسالىستى. 1,5 جىل ەمەس. ول زاڭ جوباسىن جاساۋ نەگىزى 2022 -جىلدىڭ جەلتوقسان ايىندا باستالعان. ساناساڭىز، 1,5 جىل بولمايدى. ەكىنشىدەن، زاڭ جوباسى تۋرالى باستامانى كوتەرگەن پارلامەنتتىڭ VII شاقىرىلىمى ەدى. ودان كەيىن سايلاۋ بولىپ، VIII شاقىرىلىم كەلدى. جۇمىس وسىلايشا 3-4-ايعا توقتاپ قالدى»، — دەيدى ۆيتسە- مينيستر.

ول سونداي- اق زاڭ جوباسىن ىلگەرىلەتۋگە قارسى ارەكەتتەر بار ەكەنىن راستادى.

«لوببيزم ەلەمەنتتەرى بار ەكەنىنە كەلىسەمىن. ويتكەنى زاڭ جوباسىنا ۇكىمەت تاراپىنان ءتيىستى قورىتىندى بەرۋ ساتىسىندا، ءتيىستى راسىمدەردى ءوتۋ كەزىندە نەشە ءتۇرلى بىرلەسكەن ۇيىمدار، قوعامدىق بىرلەستىكتەر، ۇلتتىق كاسىپكەرلەر پالاتاسىنىڭ جانىنداعى اككرەديتتەلگەن ۇيىمدار تاراپىنان قارسىلىق، قىسىم بولدى. ول جاعىنان كەلىسەمىز»، - دەدى ميراس تولەبايەۆ.

ەسكە سالساق، ءماجىلىستىڭ الەۋمەتتىك- مادەني دامۋ كوميتەتى وتكىزگەن سىبايلاس جەمقورلىق تاقىرىبىنداعى وتىرىسىندا دەپۋتات ەلنۇر بەيسەنبايەۆ ۇكىمەت لۋدومانيا تۋرالى زاڭدى قولدان كەشىكتىرىپ وتىرعانىن ايتقان بولاتىن.