استانا. KAZINFORM - پرەزيدەنت قاسىم-جومارت توقايەۆتىڭ شاقىرۋىمەن 26-27-ءساۋىر كۇندەرى يتاليا پرەمەر-ءمينيسترى دجوردجا مەلوني قازاقستانعا رەسمي ساپارمەن كەلەدى، دەپ حابارلايدى اقوردانىڭ باسپا ءسوز قىزمەتى.
- كەلىسسوز بارىسىندا تاراپتار قازاقستان مەن يتاليا اراسىنداعى ستراتەگيالىق سەرىكتەستىكتى دامىتۋ پەرسپەكتيۆاسىن تالقىلايدى. 27-ءساۋىر كۇنى استانادا «ورتالىق ازيا - يتاليا» فورماتىنداعى تۇڭعىش سامميت وتەدى، - دەلىنگەن حابارلامادا.
وسىعان دەيىن تۇركىستاندا قازاقستان پرەزيدەنتى قاسىم-جومارت توقايەۆ پەن تۇرىكمەنستان حالك ماسلاحاتىنىڭ ءتوراعاسى گۋربانگۋلى بەردىمۇحامەدوۆتىڭ بەيرەسمي كەزدەسۋى وتەتىنى بەلگىلى بولدى.
اۆتور
اينۇر تۋماكبايەۆا
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан