يتاليا ەكس-پرەزيدەنتى، ءومىر بويعى سەناتورى دجوردجو ناپوليتانومەن قوشتاسادى
يتاليا ەكس-پرەزيدەنت ءارى رەسپۋبليكانىڭ ءومىر بويعى سەناتورى دجوردجو ناپوليتانومەن قوشتاسادى. ول 99 جاسىندا ومىردەن ءوتتى. قازاقپارات بۇل تۋرالى Euronews اگەنتتىگىنە سىلتەمە جاساپ حابارلايدى.
بۇرىنعى مەملەكەت باسشىسىنا جوعارى شەندى يتاليالىق ساياساتكەرلەر قۇرمەت كورسەتەدى.
قوشتاسۋ دۇيسەنبى كۇنى جالعاسادى، تابىت بىرنەشە ساعات بويى بارلىعى ءۇشىن اشىق بولادى. مەملەكەتتىك جەرلەۋ ەرتەڭ وتەدى، بۇل كۇن ازا تۇتۋ كۇنى بولىپ جاريالانعان.
سونىمەن قاتار جۇمادان بەرى مەملەكەتتىك مەكەمە عيماراتتارىنداعى مەملەكەتتىك جانە ەۋروپالىق تۋلار تومەن تۇسىرىلگەن.
دجوردجيو ناپوليتانو- يتالياندىق مەملەكەتتىك ساياسي جانە قوعام قايراتكەرى، 2005 -جىلدان 2006 -جىلعا دەيىن جانە 2015 -جىلدان ءومىر بويى يتاليانىڭ سەناتورى.
1925 -جىلى 29 -ماۋسىمدا نەاپولدە دۇنيەگە كەلگەن. 1942 -جىلى نەاپولدەگى فريدريح II ۋنيۆەرسيتەتىنىڭ زاڭ فاكۋلتەتىنە وقۋعا ءتۇسىپ، ۋنيۆەرسيتەتتىڭ فاشيستىك توبىنىڭ (GUF) IX maggio جۋرنالىندا جۇمىس ىستەدى، ول تەاتر جانە كينو سىنىمەن اينالىستى (2005 -جىلى ەستەلىكتەرىندە). ناپوليتانو شىن مانىندە بۇل توپتىڭ انتي فاشيستىك زيالىلاردى جيناعانىن العا تارتتى. 1942 -جىلى ناپوليتانو 10- ۆەنەتسيا كينوفەستيۆالىنە ءتىلشى رەتىندە قاتىستى. 2010 -جىلى ول ۆەنەتسيا كينوفەستيۆالىنىڭ رەسمي اشىلۋىنا (67) قاتىسقان يتاليانىڭ العاشقى پرەزيدەنتى بولدى جانە سالتاناتتى شارا قارساڭىندا اكتەر ۆيتتوريو گاسسماندى ەسكە الۋ كەشىندە ول ءوزىنىڭ العاشقى كەزدەسۋىن ەسكە الدى.
1996-1998 -جىلدارى - يتاليانىڭ ىشكى ىستەر ءمينيسترى، 1992-1994 -جىلدارى - يتاليانىڭ دەپۋتاتتار پالاتاسىنىڭ ءتوراعاسى.
2006 -جىلدان 2015 -جىلعا دەيىن ول يتاليا رەسپۋبليكاسىنىڭ 11- پرەزيدەنتى بولدى جانە الەمدەگى ەڭ ەگدە جاستاعى مەملەكەت باسشىلارىنىڭ ءبىرى بولدى.