ىستىقكولدە قازاقستان ازاماتى قايىق سوعىپ قازا بولدى

استانا. KAZINFORM - قىرعىزستاندا ىستىقكولدە قايىقتىڭ سوقتىعىسۋى سالدارىنان قازاقستاندىق قازا تاپتى.

ىستىقكول وبلىسى ءىىد مالىمەتىنشە، وقيعا 15-شىلدە كۇنى كەشكە بولعان. بالىقشى قالاسىنىڭ تۋماسى، قازىرگى قازاقستان ازاماتى ك. ب. (1982 -جىلى تۋعان) قارا- وي اۋىلىنداعى دەمالىس ورتالىقتارىنىڭ ءبىرىنىڭ جاعاجايىندا قايىق سوعىلعاننان كەيىن اۋداندىق اۋرۋحاناعا جەتكىزىلدى. كەلەسى كۇنى ەر ادام رەانيماتسيادا قايتىس بولدى.

تەرگەۋگە دەيىنگى ءىس-شارالار بارىسىندا سۋ قايىعى يەسىنىڭ (ىستىقكول اۋدانىنىڭ تۋماسى، 1992 -جىلى تۋعان) جانە جۇرگىزۋشىنىڭ (قارا- وي اۋىلىنىڭ تۋماسى، 2006 -جىلى تۋعان) جەكە باسى انىقتالدى.

وسى فاكتى بويىنشا ىستىقكول وبلىسىنىڭ ىشكى ىستەر دەپارتامەنتى قىرعىزستان رەسپۋبليكاسى قىلمىستىق كودەكسىنىڭ 127-بابىندا كوزدەلگەن «ابايسىزدا ادام ولىمىنە اكەپ سوعۋ» جانە 311-بابى «جول قوزعالىسى، تەمىر جول، اۋە نەمەسە سۋ كولىگىندەگى قوزعالىس قاۋىپسىزدىگى قاعيدالارىن بۇزۋ» باپتارى بويىنشا قىلمىستىق ءىس قوزعادى.

قازىر تەرگەۋ امالدارى جۇرگىزىلۋدە.

اۆتور
ەركەجان سماعۇلوۆا