ىستىقكولدە شىمكەنتتىك سپورتشى سۋعا باتىپ كەتتى
استانا. KAZINFORM - سپورت باسقارماسى يبراگيم يريسماتوۆتىڭ قىرعىزستانعا ءوزى بارعانىن، ۇلتتىق كوماندانىڭ جاتتىعۋلارىنا قاتىسپاعانىن ايتىپ وتىر.
الەۋمەتتىك جەلىلەردە قىرعىزستاندا بولعان قايعىلى وقيعا تۋرالى حابار تارادى. ىستىقكولدە 21 جاستاعى شىمكەنتتىك بوكسشى يبراگيم يريسماتوۆ سۋعا باتىپ كەتكەن.
سونداي-اق قايعىلى جاعداي بولعان ماڭدا 22 جاسقا دەيىن قازاقستاندىق بوكسشىلار كومانداسىنىڭ وقۋ-جاتتىعۋ جيىنى ءوتىپ جاتقانى ايتىلدى. بۇل بولعان وقيعانىڭ جيىنعا قاتىسى تۋرالى سۇراق تۋدىردى.
شىمكەنتتىڭ سپورت باسقارماسى يبراگيم يريسماتوۆتىڭ قالالىق كاسىبي بوكس كلۋبىنىڭ (سپورتتىق ساۋىقتىرۋ كەشەنى) سپورتشىسى ەكەنىن راستادى. الايدا ونىڭ ىستىقكولدە ءوتىپ جاتقان جاتتىعۋلارعا قاتىسى جوق.
- جاس جىگىت قىرعىزستانعا دەمالۋ ءۇشىن ءوز اقشاسىنا بارعان جانە باسقا بازادا جاتقان، - دەپ ءتۇسىندىردى ۆەدومستۆو وكىلدەرى.
قازاقستان بوكس فەدەراتسياسى قايعىلى وقيعا بولعان كەزدە ۇلتتىق قۇراما جوسپارلى جيىندا بولعانىن راستادى. ال يريسماتوۆ قاتىسۋشىلار تىزىمىندە بولماعان. قايعىلى جاعدايدىڭ كوماندانىڭ دايىندىعىنا قاتىسى جوق، دەپ قوستى فەدەراتسيا وكىلدەرى.
وسىعان دەيىن ىستىقكولدە جىل بويى جۇمىس ىستەيتىن جاڭا كۋرورت سالىناتىنى تۋرالى جازدىق.