ىستىقكولدە درون جەرگە قۇلاپ، ارتىنشا ورتەندى
استانا. KAZINFORM - ىستىقكولدە درون اپاتقا ۇشىرادى. قىرعىزستان ۇ ق ك-نىڭ شەكارا قىزمەتى قۇلاعان درونعا قاتىستى تۇسىنىك بەردى.
- 14-تامىز كۇنى بالىقشى پوليگونىنىڭ اۋماعىندا تاكتيكالىق شاعىن دروننىڭ جاڭا تۇرىنە وقۋ سىناقتارى وتكىزىلدى، ول ىستىقكول وبلىسىنىڭ تامچى اۋەجايىنا قونۋعا كىرگەن كەزدە جەرگە قۇلاپ، بەلگىلى ءبىر نۇكتەگە جەتپەي ورتەندى، - دەپ حابارلادى ق ر ۇ ق ك شەكارا قىزمەتى.
شاعىن درون اپاتى سالدارىنان زارداپ شەككەندەر جوق. قازىرگى ۋاقىتتا اۋەجاي اۋماعىن درون بولىكتەرىنەن تازارتۋ جۇمىستارى جۇرگىزىلىپ جاتىر. سىناقشىلار توبى دروننىڭ قۇلاۋ سەبەپتەرىن زەرتتەپ جاتىر.
ۆەدومستۆو قىرعىزستان رەسپۋبليكاسى ۇلتتىق قاۋىپسىزدىك مەملەكەتتىك كوميتەتىنىڭ شەكارا قىزمەتىندە قىزمەت ەتەتىن Bayraktar-دى قوسا العاندا، بارلىق ۇشقىشسىز بارلاۋ جانە شابۋىلداۋ ماشينالارىنىڭ ەشقانداي زاقىم الماعانىن مالىمدەدى.
اۆتور
ەركەجان سماعۇلوۆا