ىستانبۇلدىڭ بۇرىنعى مەرى باس بوستاندىعىنان ايىرىلدى

استانا. KAZINFORM - ىستانبۇلدىڭ بۇرىنعى مەرى ەكرەم يماموعلى 1 جىل 8 ايعا باس بوستاندىعىنان ايىرىلدى، دەپ حابارلايدى CNN.

ىستانبۇل سوتى 20-قاڭتارداعى پانەلدىك پىكىرتالاس كەزىندە ەكرەم يماموعلىنى ىستانبۇلدىڭ باس پروكۋرورى اكين گيۋرلەككە جانە ونىڭ وتباسىنا قاتىستى «قىزمەتتىك مىندەتتەرىن ورىنداۋ كەزىندە شەنەۋنىكتى كوپشىلىك الدىندا قورلاۋ» جانە «قوقان-لوققى كورسەتۋ» باپتارى بويىنشا كىنالى دەپ تاپتى.

پروكۋرورلار ونى وسى ەكى باپ بويىنشا، سونداي-اق «تەرروريزممەن كۇرەسكە قاتىسقان ادامداردى قۋدالاۋ» بابى بويىنشا كىنالى دەپ تانۋدى جانە 7 جىل 4 ايعا دەيىن باس بوستاندىعىنان ايىرۋدى تالاپ ەتتى.

الايدا سوت ەكرەم يماموعلىنى «تەرروريزممەن كۇرەسكە قاتىسقان ادامداردى قۋدالادى» دەگەن ايىپتى اقتاپ، ونى 1 جىل، 5 ايعا جانە 15 كۇنگە باس بوستاندىعىنان ايىردى. سونىمەن قاتار «قىزمەتتىك مىندەتتەرىن ورىنداۋ كەزىندە شەنەۋنىكتى كوپشىلىك الدىندا قورلاعانى ءۇشىن»، سونداي-اق «قوقان-لوققىسى» ءۇشىن 2 اي 15 كۇنگە باس بوستاندىعىنان ايىردى.

وسىلايشا، ىستانبۇلدىڭ بۇرىنعى ءمەرى ساياسي تىيىمسىز جالپى 20 ايعا باس بوستاندىعىنان ايىرىلدى.

ەستەرىڭىزگە سالا كەتەيىك، ەكرەم يماموعلى ناۋرىز ايىنىڭ سوڭىندا اۋقىمدى ارنايى وپەراتسيا بارىسىندا ۇستالدى.

ول ۇستالعاننان كەيىن تۇركيانىڭ ءىرى قالالارىندا جاپپاي شەرۋلەر مەن نارازىلىق باستالدى.