وقيعا ورنىنا پوليتسيا مەن مەديتسينا قىزمەتكەرلەرى دەرەۋ جەتتى.
شابۋىل جاساعانداردىڭ بارلىعى قازا تاۋىپ، ەكى پوليتسيا قىزمەتكەرى جەڭىل جاراقات الدى.
تۇركيانىڭ ىشكى ىستەر ءمينيسترى مۋستافا چيفتچيدىڭ ايتۋىنشا، كۇدىكتىلەردىڭ كىم ەكەنى انىقتالدى. ولار ىستانبۇلعا يزميتتەن جالعا الىنعان كولىكپەن كەلگەن. الدىن الا مالىمەتتەر بويىنشا، ولاردىڭ ءبىرى ءدىني ەكسترەميستىك ۇيىممەن بايلانىستا، ال ەكىنشىسىنىڭ ەسىرتكىگە قاتىستى قىلمىستارى بار.
وقيعانىڭ كونسۋلدىققا شابۋىل جاساۋ ارەكەتىنە قاتىسى بار-جوعى ءالى انىقتالعان جوق.
تۇركيانىڭ ادىلەت ءمينيسترى اكىن گيۋرلەك ىستانبۇل قالالىق پروكۋراتۋراسى وقيعا بويىنشا تەرگەۋ باستاعانىن مالىمدەدى. ىسكە باس پروكۋروردىڭ ورىنباسارىن قوسا العاندا، ءۇش پروكۋرور تاعايىندالدى جانە ولار وقيعانىڭ ءمان-جايىن انىقتاۋ ءۇشىن قىلمىس ورنىن تەكسەرۋدى باستادى.
بۇعان دەيىن تۇركيادا قازاقستان ازاماتىنىڭ ولتىرىلگەنى حابارلانعان بولاتىن. ق ر سىرتقى ىستەر مينيسترلىگى ازاماتتىڭ قايتىس بولعانىن راستادى.