ىستانبۇلدا رەسەي مەن ۋكراينا اراسىنداعى كەلىسسوزدەردىڭ ەكىنشى كەزەڭى ءوتتى

ىستانبۇل. KAZINFORM - رەسەي مەن ۋكراينا اراسىنداعى تىكەلەي كەلىسسوزدەردىڭ ەكىنشى راۋندى جوسپارلانعان ۋاقىتتان 1,5 ساعاتتان استام كەش باستالدى، دەپ حابارلايدى Kazinform مەنشىكتى ءتىلشىسى.

تۇركيا مەن شەتەلدىك ب ا ق- تىڭ 200 دەن استام وكىلى رەسەي مەن ۋكراينا دەلەگاتسيالارىنىڭ بىتىمگەرشىلىك كەلىسسوزدەرىنىڭ ەكىنشى كەزەڭىن كورسەتۋ ءۇشىن ىستانبۇلدا باس قوستى.

رەسەي مەن ۋكراينا اراسىنداعى كەلىسسوزدەردىڭ ارقاسىندا بوسفور جاعالاۋىنداعى ءزاۋلىم چىراگان سارايى بۇگىندە الەم نازارىنىڭ ورتالىعىنا اينالدى.

كەلىسسوزدەر حالىقارالىق قاۋىمداستىق تاراپىنان دا، قاقتىعىسقا قاتىسۋشى تاراپتار تاراپىنان دا جوعارى قىزىعۋشىلىق پەن شيەلەنىس كۇتۋ جاعدايىندا ءوتىپ جاتىر.

كەزدەسۋدى ۇيىمداستىرۋشىلار قاۋىپسىزدىك پەن قۇپيالىلىقتى بارىنشا قامتاماسىز ەتكەنىمەن، شارا بارىسىنداعى اتموسفەرا جاعىمدى جاڭالىق كۇتۋگە تولى دەپ سيپاتتاۋعا بولادى. كوپتەگەن ساراپشى ىستانبۇلدى تاڭداۋ جانە تۇركيانىڭ دەلدال رەتىندە قاتىسۋى بەيتاراپ جانە سىندارلى ديالوگ الاڭىنا ۇمتىلۋدى كورسەتەدى دەپ سانايدى.

يمپەراتورلىق تاريح پەن ديپلوماتيالىق تالعامپازدىقتىڭ سيمۆولى سانالاتىن چىراگان سارايى بۇگىندە دەەسكالاتسيا مەن ىمىراعا كەلۋ ءۇمىت ارەناسىنا اينالدى. ادەتتەگىدەي، كەلىسسوزدەردىڭ وسى راۋندىنىڭ قورىتىندىسى ايماقتاعى وقيعالاردىڭ ودان ءارى بارىسىنا ايتارلىقتاي اسەر ەتۋى ءتيىس.

بۇعان دەيىن رەسەي مەن ۋكراينا اراسىنداعى كەلىسسوزدەر 2 -ماۋسىم كۇنگە جوسپارلانعانى حابارلاندى.

اۆتور

زارينا تۋعانبايەۆا