ىستانبۇلدا مۇعالىمدەر ەمدەۋ ءۇشىن ەرتەگى وقيدى - شەتەلدەگى قازاق باسپاءسوزى
Kazinform ح ا ا شەتەلدەگى قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى
قازاقستان دەلەگاتسياسى Uzbekistan GTL ج ش س زاۋىتىنىڭ جۇمىسىمەن تانىستى - ءوزا
قازاقستاننىڭ «KMG Petrochem» ج ش س دەلەگاتسياسى Uzbekistan GTL ج ش س زاۋىتىنىڭ جۇمىسىمەن تانىستى. ءىس ساپار اياسىندا دەلەگاتسيا وزبەك تاراپىمەن سينتەتيكالىق وتىن ءوندىرۋ سالاسىنداعى وزىق تاجىريبە الماسۋ، ىنتىماقتاستىقتىڭ بولاشاعىن زەردەلەۋ جانە الدا جۇزەگە اسىرىلۋى مۇمكىن جوبالار بويىنشا كەلىسسوزدەر جۇرگىزدى. بۇل تۋرالى وسى اپتادا «ءو ز ا» اقپارات اگەنتتىگى حابارلادى.
ايتا كەتەيىك، Uzbekistan GTL زاۋىتى - وزبەكستانداعى ەڭ ءىرى ءارى زاماناۋي سينتەتيكالىق وتىن وندىرەتىن كاسىپورىنداردىڭ ءبىرى.
قاشقاداريا وبلىسىندا ورنالاسقان بۇل كاسىپورىننىڭ جوبالىق قۇنى شامامەن 3,6 ميلليارد ا ق ش دوللارىن قۇرايدى. زاۋىت جىلىنا 1,5 ميلليون توننادان استام سينتەتيكالىق ديزەل وتىنى، اۆياكەروسين، نافتا جانە سۇيىتىلعان گاز وندىرۋگە قاۋقارلى.
كاسىپورىن وڭتۇستىك افريكادا جاسالعان وزىق GTL (Gas-to-Liquids - گازدان سۇيىق ءونىم الۋ) تەحنولوگياسى نەگىزىندە تابيعي گازدى قايتا وڭدەپ، حالىقارالىق ستاندارتتارعا تولىق ساي كەلەتىن ءونىم شىعارادى. سونىمەن قاتار زاۋىتتا ءوندىرىستىڭ تيىمدىلىگىن ارتتىرۋ، ەكولوگيالىق قاۋىپسىزدىكتى قامتاماسىز ەتۋ جانە رەسۋرستاردى ۇنەمدەۋگە ايرىقشا كوڭىل بولىنەدى.
شىڭجاڭ نارىعىنا ورتالىق ازيا ونىمدەرىنىڭ قولجەتىمدىلىگىن كەڭەيتپەك - «حالىق گازەتى»
جاقىندا ءۇرىمجى كەدەنى جاريالاعان 18 شارادا قۇجاتتا كورسەتىلگەندەي، سولتۇستىك- باتىس قىتايداعى شىڭجاڭ- ۇيعىر اۆتونوميالىق رەگيونى ءوز نارىعىنا ورتالىق ازيا ەلدەرىنەن كەلەتىن جوعارى ساپالى تاۋارلار قولجەتىمدىلىگىن كەڭەيتەدى، دەپ جازادى «حالىق گازەتى».
اتالعان ب ا ق- تىڭ دەرەگىنشە، جاڭا شارالارعا سايكەس، كەدەن ورگاندارى سونداي- اق ق ح ر باس كەدەن باسقارماسى اكەلۋگە رۇقسات بەرگەن اۋىل شارۋاشىلىعى ونىمدەرىنىڭ تىزىمىنە ورتالىق ازيا ەلدەرىنىڭ جوعارى ساپالى اۋىل شارۋاشىلىعى ونىمدەرىن كوبىرەك ەنگىزۋدى جەدەلدەتەتىن بولادى. سونداي-اق ورتالىق ازيادان جانە كورشىلەس ەلدەردەن جوعارى ساپالى ازىق- تۇلىك تاۋارلارىن اكەلۋ كوزدەرىن ءارتاراپتاندىرۋعا، ولاردىڭ اسسورتيمەنتىن كەڭەيتۋگە جاردەمدەسۋگە كۇش سالىنادى.
سونىمەن قاتار ودان بولەك، ءۇرىمجى كەدەنى ورتالىق ازيا ەلدەرىمەن ينسپەكتسيالىق جانە كارانتيندىك قاۋىپسىزدىك سالاسىنداعى تەحنيكالىق ىنتىماقتاستىق پەن الماسۋدى نىعايتادى، وسىلايشا جوعارى ساپالى دامۋ مەن جوعارى دەڭگەيدەگى اشىقتىقتى ىلگەرىلەتۋگە كۇشتى قولداۋ كورسەتپەك.
سونداي-اق وسى اپتادا قىتايلىق «حالىق گازەتى» قازاقستاندىق «Sputnik» باسىلىمىنا سىلتەمە جاساپ «قازاقستاندىق عالىمدار قىتاي ماماندارىمەن بىرلەسە العاشقى وتاندىق چيپ جاسادى» دەگەن تاقىرىپتاعى اقپارات جاريالادى.
كەلتىرىلگەن مالىمەتتەرگە سۇيەنسەك، ق ر استانا قالاسىندا زاماناۋي تەحنولوگيالاردا قولدانىلاتىن العاشقى وتاندىق چيپ تانىستىرىلدى.
حابارلامادا ايتىلۋىنشا، بۇل چيپتى قازاقستاندىق عالىمدار قىتاي ماماندارىمەن بىرلەسە جاساپ شىقتى. ياعني، ءونىم - قىتاي ۋنيۆەرسيتەتتەرىمەن ارىپتەستىك شەڭبەرىندە قابىلدانعان «ءبىر ستۋدەنت - ءبىر چيپ» باعدارلاماسىنىڭ جەمىسى.
عالىم نۇرسۇلتان قابىلقاستىڭ مالىمەتىنشە، چيپتى جاساۋعا 6 ايداي ۋاقىت كەتكەن. جوباسى، ديزاينى سىزىلعان. سونىڭ جارتىسى، 3 ايى ازىرلەۋگە كەتسە، قالعان 3 ايى ۆەريفيكاتسياعا، فۋنكتسيونالدى تەستىلەۋگە جۇمسالعان.
- جوبا اۆتورلارى چيپ قازاقستاننىڭ جاھاندىق جارتىلاي وتكىزگىشتەر يندۋسترياسىنا ەنۋىنە جول اشىپ، جوعارى تەحنولوگيالىق سالالاردى دامىتۋعا تىڭ مۇمكىندىكتەر بەرەتىنىنە سەنىمدى، - دەپ تۇيىندەلەدى.
يراننىڭ ە ى ۇ- عا مۇشە ەلدەرمەن ساۋداسى 27,6 ميلليارد دوللارعا دەيىن ءوستى - Parstoday
يران يسلام رەسپۋبليكاسىنىڭ ەكونوميكالىق ىنتىماقتاستىق ۇيىمىنا (ە ى ۇ) مۇشە ەلدەرمەن ساۋدا- ساتتىق كولەمى حيجرا بويىنشا 1403 -جىلى(2024 -جىلى) 36 ميلليون 235 مىڭ تونناعا، ال ۆاليۋتا اينالىمى بويىنشا 27 ميلليارد 626 ميلليون دوللارعا جەتتى.
ParsToday اقپارات اگەنتتىگىنىڭ IRNA- عا سىلتەمە جاساپ حابارلاۋىنشا، يران كەدەنى سارسەنبى كۇنى يراننىڭ ە ى ۇ- عا مۇشە ەلدەرمەن 1403 -جىلعى جالپى ساۋداسىنىڭ 8 ميلليون 227 مىڭ تونناسى 13 ميلليارد 543 ميلليون دوللارعا يمپورتقا، 28 ميلليون 8 مىڭ تونناسى 14 ميلليارد 83 ميلليون دوللارعا ەكسپورتقا بولىنگەنىن حابارلادى.
وسى ەسەپ بويىنشا يراننىڭ 1403 -جىلى ە ى ۇ- عا مۇشە ەلدەرگە مۇنايدان باسقا ەكسپورتى سالماق جاعىنان 38,7 پايىزعا، قۇندىق جاعىنان 37,5 پايىزعا ءوستى.
ايتا كەتۋ كەرەك، سونداي-اق وسى كەزەڭدە يراننان ە ى ۇ- عا مۇشە ەلدەرگە مۇنايدان باسقا ەكسپورتتىڭ ەڭ ۇلكەن كولەمى تۇركياعا، بۇل 6 ميلليارد 889 ميلليون دوللار، پاكىستانعا 2 ميلليارد 423 ميلليون دوللارعا، اۋعانستانعا 2 ميلليارد 414 ميلليون دوللارعا، ازەربايجانعا 681 ميلليون دوللارعا، تۇركىمەنستانعا 572 ميلليون دوللارعا تەڭ تاۋار ەكسپورتتالدى.
ىستانبۇلدا مۇعالىمدەر ەمدەۋ ءۇشىن ەرتەگى وقيدى - TRT
تۇركيانىڭ «ەرتەگى مەكتەبى» باستاماسى ارقىلى مۇعالىمدەر اۋرۋحانا پالاتالارىندا ەرتەگى وقىپ، مۋزىكا جانە قيالمەن جاس پاتسيەنتتەر مەن ولاردىڭ وتباسىلارىنا قولداۋ كورسەتەدى.
«ستامبۋل ەرتەگى مەكتەبى» جوباسى اياسىندا مۇعالىمدەر اۋرۋحانادا ەم الىپ جاتقان بالالارعا ەرتەگى ايتىپ، «ەرتە، ەرتە، ەرتەدە» دەپ باستالاتىن اڭگىمەلەر ارقىلى جاس پاتسيەنتتەردىڭ ومىرگە دەگەن قۇشتارلىعىن قايتا وياتۋدا. بۇل تۋرالى وسى اپتادا تۇركيا راديو تەليەۆيزيا پورتالى حابارلادى.
اتالعان ب ا ق- تىڭ كەلتىرگەن مالىمەتتەرىنە سۇيەنسەك، ستامبۋل قالالىق ءبىلىم باسقارماسى جۇزەگە اسىرىپ جاتقان بۇل جوبا ەرتەگى شەبەرحانالارىن قۇرۋدى قامتيدى. جوبانىڭ ماڭىزدى ءبىر بولىگى ۇزاق مەرزىمدى ەم قابىلداپ جاتقان بالالارعا ارنالعان.
«اۋرۋحانادا ەرتەگى بار» ۇرانىمەن ەرتەگى مەكتەبىنىڭ مۇعالىمدەرى اۋرۋحانالارعا بارىپ، «ماسالحانا» (ەرتەگى ءۇيى) سەسسيالارىن وتكىزەدى، وندا ولار جاس پاتسيەنتتەرمەن بايلانىس ورناتادى.
ايتا كەتۋ كەرەك، بالالاردىڭ دەنساۋلىق جاعدايىنا بايلانىستى مۇعالىمدەر ەرتەگىلەردى اۋرۋحانا سىنىپتارىندا نەمەسە پالاتادا توسەك جانىندا ايتىپ بەرەدى. بۇل اڭگىمەلەر بالالارعا بولاشاققا ۇمىتپەن قاراۋعا كومەكتەسەدى.
ءسويتىپ، مۇعالىمدەر ءارى بىلىمگە، ءارى ەمدەلۋگە قولداۋ كورسەتەدى.
ال اۋرۋحانادا جاتقان بالالار مەن اتا-انالار بۇل جوباعا العىسىن بىلدىرگەن.
سونداي- اق وسى اپتادا «TRT» دا «تۇركيا - الەمدەگى ەڭ مىقتى ەكولوگيالىق تازا تۋريستىك باعىتتاردىڭ ءبىرى» دەگەن تاقىرىپتاعى اقپارات جارىق كورگەن بولاتىن.
تۇركيالىق باسىلىمنىڭ مالىمەتىنشە، ۇلى بريتانيادا شىعاتىن «Wanderlust» جۋرنالى «ساياحاتتىڭ جاسىل تىزىمىندە» يۋنەسكو- نىڭ دۇنيەجۇزىلىك مۇرا تىزىمىنە ەنگەن نەمرۋت تاۋى مەن 2025 -جىلعا ارنالعان تۇركيانىڭ تۇراقتى تۋريزمدەگى كوشباسشىلىعىن اتاپ كورسەتكەن.
الەم بويىنشا ميلليونداعان وقىرمانى بار «Wanderlust» جۋرنالىنىڭ بەدەلدى «ساياحاتتىڭ جاسىل ءتىزىمى 2025» شىعارىلىمىندا تۇركيا الەمدەگى ەڭ ەكولوگيالىق تازا تۋريستىك باعىتتاردىڭ ءبىرى ەكەنى جاريالانعان.
«TRT» - نىڭ دەرەگىنشە، ۇلىبريتانيانىڭ ەڭ كونە جانە ەڭ قۇرمەتتى تاۋەلسىز تۋريستىك جۋرنالىن تۋريستەر مەن جاھاندىق تۋريزم ماماندارى مۇقيات قاداعالايدى. «Wanderlust» - قورشاعان ورتاعا جاۋاپتى باعىتتار بويىنشا جەتەكشى ورگان.
جۋرنالدىڭ تۇركياعا ارنالعان ماقالاسىندا ەلدىڭ تۇراقتى تۋريزمدەگى كوشباسشىلىعى جانە يۋنەسكو- نىڭ دۇنيەجۇزىلىك مۇرالار تىزىمىنە ەنگەن نەمرۋت تاۋى كورنەكتى ورىن رەتىندە اتاپ وتىلگەن.
بەيسەن سۇلتان