شىمكەنتتە شاشىن جايعان كەلىنشەك 11 ادامدى ءولتىردى - فەيك
شىمكەنت. KAZINFORM - تۇندە جۇرەتىن اق كويلەكتى كەلىنشەك تۋرالى WhatsApp جەلىسىندە تاراپ جاتقان اقپارات تۇرعىنداردىڭ ۇرەيىن ۇشىرۋدا.
الەۋمەتتىك جەلىدە تاراعان اقپاراتقا سۇيەنسەك، ناركولوگيالىق ديسپانسەردەن 11 جىندى قاشىپ كەتكەن. سولاردىڭ ءبىرى شۇبارسۋ اۋىلىندا جۇرگەن كورىنەدى. شاشىن جايىپ العان اق كويلەكتى كەلىنشەك ءۇي-ءۇيدى ارالاپ نان مەن سۋ سۇرايدى. سودان كەيىن ادامداردى پىشاقتاپ كەتىپ جاتقان جايى بار. قازىرگى تاڭدا ونىڭ قولىنان 11 ادام قازا تاپقان.
«اسىرەسە، جەر ءۇيدىڭ ادامدارى ەسىكتەرىڭىزدى قۇلىپتاپ جۇرىڭىزدەر. بالالارىڭىزبەن، قىزدارىڭىزعا اباي بولىڭىزدار. مەن تۇندە جۇمىستان قايتقاندا كوردىم»، - دەيدى جەلىدە اۋديو حابارلاما جاريالاعان تۇرعىن.
اتالعان جاعداي بويىنشا رەسمي پىكىر بىلدىرگەن شىمكەنت قالاسى پوليتسيا دەپارتامەنتىنىڭ باسپا ءسوز قىزمەتى جەلىدە تاراپ جاتقان اقپارات شىندىققا جاناسپايتىنىن مالىمدەدى.
«پوليتسيا دەپارتامەنتى جالعان اقپارات تاراتۋ ءۇشىن قىلمىستىق جانە اكىمشىلىك جاۋاپكەرشىلىك قاراستىرىلعانىن ەسكەرتەدى. تەك رەسمي اقپارات كوزدەرىنە سەنۋگە شاقىرامىز»، - دەلىنگەن شىمكەنت قالاسى پوليتسيا دەپارتامەنتىنىڭ باسپا ءسوز قىزمەتى ۇسىنعان اقپاراتتا.
اۆتور
قايرات زاينيشيەۆ