ىستامبۇل مەرى قىزمەتىنەن ۋاقىتشا شەتەتىلدى

انكارا. KAZINFORM - تۇركيانىڭ ىشكى ىستەر مينيسترلىگى قاماۋعا الىنعان  ەكرەم يماموگلۋ مەن ىستامبۇل مۋنيتسيپاليتەتتەرىنىڭ ەكى باسشىسىن ۋاقىتشا قىزمەتىنەن شەتتەتكەن.

بۇل تۋرالى مينيسترلىك تاراتقان حابارلامادا ايتىلعان، دەپ ءمالىم ەتتى تۇركيانىڭ NTV ارناسى.

- ىستامبۇل مەرى ەكرەم يماموگلۋ جەكە مالىمەتتەردى زاڭسىز الدى، پارا الدى جانە تەندەر ءتارتىبىن بۇزدى دەگەن ايىپپەن قاماۋعا الىندى. كونستيتۋتسيانىڭ 127-بابىنا جانە «مۋنيتسيپاليتەتتەر تۋرالى» زاڭنىڭ 47-بابىنا سايكەس، ىشكى ىستەر مينيسترلىگى ونى ۋاقىتشا قىزمەتىنەن شەتتەتتى، - دەلىنگەن قۇجاتتا.

ىستامبۇل بەيليكدۋزۋ مۋنيتسيپاليتەتىنىڭ باسشىلارى مەحمەت مۋرات چالىك پەن شيشلي اۋدانىنىڭ باسشىسى ەمراح شاحان دا ۋاقىتشا جۇمىستان بوساتىلدى. ولار دا يماموگلۋعا قاتىستى ءىس بويىنشا قاماۋعا الىندى.

ايتا كەتەيىك، بۇعان دەيىن سىبايلاس جەمقورلىق بويىنشا ايىپتالعان ىستامبۇل مەرى قاماۋعا الىنعانىن حابارلادىق.